呢位同事公司被成team人杯葛，佢成日whatsapp我投訴佢地呢樣o個樣，人地有咩做唔好，又話人地背後點講佢壞話，初初我同情佢遭遇都會開解下佢，做佢樹洞。
但呢排開始頂唔順，因為whatsapp內容只有呢d，唔會講其他野，我唔想再做佢垃圾筒，我可以點做呢…已讀不回的話佢實問我咩事，公司見面又避唔到，唉…好煩…新年期間仲約左出黎tea，冇下次…
佢將會考升職試如成功可以調去另一team，但我知道就算調走左都唔會有改變，因為另一team都唔鐘意佢。搞到我更加想唔做呢份工…當然仲有其他因素，唔止因為佢
我公司都有呢啲同事，不過佢係呻老公啲嘢，日日月月年年都係講呢啲，佢好似成個世界得佢老公咁。
以家佢一講我就叫佢離婚啦唔好煩，佢就會收皮。
唔係唔做佢樹洞，但真心咁多年自己唔去解決咪接受左佢囉。
咪係，人地聽咁多都厭啦…你發洩完咁我呢…我都有叫佢快d轉工，但佢唔會收皮 
佢出面in左好多份都唔請，如果佢成功升職留响度，佢會繼續投訴另一team人
我唔會因為一個唔關事嘅同事放棄一份想做嘅工
(block佢一陣先)
又唔只因為佢，仲有其他因素唔想做份工既，block佢實會問做咩唔覆佢，公司會見面
我都好怕呢啲同事朋友，講嘅嘢只有負面嘢，日呻夜呻，自己都會被佢影響到情緒
呢啲人真係要疏遠，試吓佢搵你兩三次先覆一次，覆短啲，或者淨係覆「你咁辛苦不如辭職啦之類」，好快佢就會無癮，唔好比人影響到唔想返工呀
我以前都有個日呻夜呻同事，我都辭咗職五六年，佢宜家都仲喺度做
完全唔識檢討自己嘅人，直接同佢講，由佢憎埋你。
求其覆emoji，例如
唔駛應得咁認真
係呀係呀…之前憎佢既舊人走晒，佢依家仲响度做，新一批繼續憎，我覺得佢EQ都幾勁。我又唔會因為佢辭職既，不過加速左…
我有同佢講佢d工作態度，但會續樣同你博，死未，有次我真係爆左，佢買返包零食tum我我又原諒返佢
er…個電話好似神神地添…
咪就係唔識檢討自己，全世界都錯，係自己冇錯囉。
或者每次同你呻，應和佢，最後叫佢辭職，佢爆你仲好，直接唔洗理。
hea答算啦
我依家開始會堅持每次hea答佢，你地講既方法以前唔係未試過，太煩時我會叫佢辭職呀…emoji呀…但佢都會繼續纏住我。我諗我要堅決d，疏遠d佢
以前有個朋友又係成日放負
成日呻公司入面雞毛蒜皮嘅事
連同事一句腰潤說話都呻一餐
做邊間呻邊間
有一次我忍唔住講
既然係咁
點解你唔增值自己然後轉工
直接同佢講學習正面思考，甘負面就唔應該做呢份工
係咁依寫兩句，佢就冇引，唔再WS你了。
已讀不回, 好間唔中先覆一個emoji.
如果佢係公司問你做咩唔回佢, 就答佢: 呢排屋企有D野好忙, 唔係好得閒玩whatsapp.
佢如果再問你係忙咩, 咩事之類, 就話: 屋企野, 私人野唔太方便講.
或者話…平時返工已經成日對住電腦電話, 放假/放工好想可以抖下, 用少D電子野, 所以唔想成日機不離手咁, 就變成唔想覆whatsapp了.