我受夠了香港既藍新聞同藍親戚，加埋教育考慮，一直準備緊移民英國。無諗過藍奶奶話要跟埋去，我和老公都好驚訝。
老公覺得都好，有人湊小朋友同煮食。但我同老公講，我一星期見奶奶一次都頂唔順，而家要一齊住？
佢話我可以讀書或返工避下佢。但奶奶一句英文普通話都唔識，老公返工又忙，將來佢買餸行街睇醫生都要我帶著，我又點可能讀書返工？我仲要下下陪著佢，仲辛苦過自己做。我本來打算去到勁買馬莎，咁搞佢會管曬屋企買咩食咩，睇怕又買曬MIC
奶奶話怕寂寞所以想跟我地，我話去到英國佢無曬朋友，又唔識英文咪仲寂寞？
老公話，奶奶住幾個月試下先啦，奶奶可以香港英國兩頭住。我真係唔信咁樣可以work，不過我期望到時奶奶自己頂唔順縮沙，就唔駁佢啦。
咁真係本末倒置，去到英國仲見多D奶奶 不過為左小朋友教育，又無理由唔去。老公要養老人家又天經地義，我又無得駁，唉。
奶奶要等到老爺過埋生先會去英國，但bno visa規定一定要一齊申請，老公就諗著奶奶可以遲D去。所以應該唔係即時發生。
咁老爺係咪仲響香港？
我覺得等你地settle先叫佢啦，你已經要適應，仲要顧埋佢，一定火山大爆發
我同老公講道咗：要同住我寧願唔過
你一樣
同同住冇關係
比我會帶埋我媽過去，我養老人家一樣天經地義
佢諗唔掂唔好拋個波比我
樓主，男人都係氹下你先，到最後一定要你屈服硬食
聽醫生講，老爺可以享命多一兩年。奶奶要照顧老爺直到佢過生，先會去英國。
我都覺一定火山大爆發。不過老公唔知係天真，定係佢都無計，講D樂觀野勸住我。
因為我媽藍，所以我都唔會帶佢。但如果我要帶我媽，我老公真係會應承。
我都覺佢要我硬食。不過帶佢阿媽係佢低線，要求去英國既係我，我迫都無用。我最多到時搞到家嘈屋閉，等佢知難而退。我已經warn定佢，佢要格硬黎，我會爆大鍋
你老公唔係天真，係到時對嗰個唔係佢，係你，呢刻當然氹住你
個個男人一樣
我同男家去旅行，我奶奶要menu 所有項目解比佢聽，係所有，英文喎，唔係翻譯係要解釋。你如果解完佢會問你：乜冇A㗎，你話冇佢會叫你問個waiter 點解冇
我試一次之後我叫佢問我老公，我賴死唔答，我老公本來唔理，到煩到佢時爆佢阿媽，咁就搞掂
之後我每次都話：問你阿仔。反面都唔會理佢，佢阿媽自動收皮
如果我硬食我奶奶會得寸進尺而我老公會當冇件事發生
你話你喺英國會點？
到時99去到英國爆發就大家都唔好過
比我我唔會去
老公無其他兄弟姊妹?
咁即係過兩年先一齊去？佢哋自己有冇bno,會唔會你哋過去安排好小朋友先、其實我都驚、仲要佢都有bno自己去到、我都冇得say no 
有妹妹，不過佢地同佢老爺奶奶去加拿大
寧願唔過
佢地無bno。就算我過到去安排左小朋友先，應該無問題。不過最後都係要同奶奶住
咁避唔到
但我覺得你奶奶應該頂唔到，唔識英文好難係果邊生活，佢悶會自己返香港
咁又太大犧牲吧
為左小朋友我諗普遍女人都會忍下先、我都唔敢諗、香港仲話可以分開住
我都係咁賭。不過真係賭一舖
未必，有d點都痴住個仔，加上個老公如果不在
你賭贏機會好大，好話唔好講，唔識英文真係對住四幅牆架咋
佢平時多唔多social life?
老公話，可能可以分兩間屋喱？我真係唔信，就算真，奶奶睇醫生買餸未又係我搞