BB依家全人奶
17日人仔
2日前開始係咁扭食奶
由原本可以2-3個鐘一次 到依家基本上一個鐘一次 但每次都食到訓
有時啜10分鐘 有時可以25分鐘
但明顯地只有頭5分鐘係大力啜
之後就開始訓住啜
啜完個胸仲係谷
Bb依家亦唔願訓
日頭每次最多訓一個鐘就醒
依家要抱住先肯訓
一落床就即刻醒
今日日頭只係訓左4個鐘左右
一放床就扭 大喊
一喊又想食奶
個奶頭因為佢啜到好密 搞到好痛
不停地上網睇資料同forum
唔確定bb係肚脹氣定係到猛長期
好大壓力 基本上離唔到手
又唔夠訓 成個人好燥
而且重坐緊月 冇得離開一下
自己一個抱住阿B會喊
好辛苦
我唔識，會唔會轉餵奶粉會好啲？
有機會係猛長期，亦有機會呢兩日轉凍轉天氣bb唔適應，咁細個bb好多可能，明白係好辛苦，因為我都試過，但唔好放棄餵人奶丫，我當時係無限放題
可能bb因為各種原因覺得唔舒服(生理or安全感上)，而現階段令佢最舒服就係埋身痴住媽媽
屋企會唔會有其他人幫手？你餵完奶比其他人過一過手，你就去瞓下，哪怕只係恰一恰，起碼唔洗長時間同bb一齊，快叉一下電
如果比bb啜完都仲谷，咁要清下，唔係好易塞，我估你係全埋身，如果係嘅可以試下手揸奶等乳房鬆返，唔太建議泵，怕你愈泵愈多，供過於求，好易塞
至於肚脹氣，都唔排除呢個可能性，可以試下幫bb搓下肚仔，或者佢瞓低時你用兩個手拎住佢腳仔細細力踩單車
希望幫到你，加油丫同路人，照顧bb之餘都要照顧好自己
(by啱啱餵緊早奶的新手媽媽，媽齡比你多少少，4個月)
我第一個都係咁，嗰陣我仲抱佢去健康院問姑娘，姑娘話BB平時冇飲水，但尿量正常，體重又有增長，就唔係唔夠奶。
其實人奶BB頭一個月都會係咁，因為人奶易消化，會快D肚餓，但大小小就會穩定好多。同埋姑娘話未足月一定唔可以戒夜奶住，就算BB好乖瞓著咗都要整醒佢食奶。
辛苦你啦媽咪，加油
有可能奶出得唔夠快；啊b又懶、唔肯啜，或者泵出嚟用奶嘴餵會好啲？
我依家係全埋身
有時會諗係咪自己唔夠奶
但阿b濕片又正常
但阿b食一邊奶都食唔清
另一邊又好快谷奶 用泵 又只係泵到30ml
而且好多人話初唔好抱咁多
但唔抱就真係係咁扭同喊
姐係健康院話一個鐘喂一次正常？
因為我喂到個胸好痛
我唔確定阿B體重有冇增長
不是我見濕片正常
可以試下泵出尼餵比其他人餵。有機會埋身食吾夠飽。會個個鐘都嘈想食奶。如果餵完都谷可能呀b食得吾夠。正常資勢啱呀b吾會啜到你痛呀。
我以前是一個鐘餵一次，頭一個月食人奶
我因唔夠奶都有補奶粉
然後滿月我轉晒奶粉
如果濕片正常，即係夠奶，仲谷即係你供過於求，唔好泵，會愈泵愈多，除非你諗住長遠要儲奶，但你b先半個月，起碼仲有兩個月產假，宜家儲咁多，到時都唔係最適合佢當時月齡需要，臨返工前兩星期先開始儲都得，宜家如果真係好谷就用手揸
佢咁細個邊度咁叻識扭抱，佢係真係無安全感，唔好唔抱丫，大左想抱都無得抱
其實抱得多唔怕的，佢得17日大，對呢個世界仍然摸索緊，仲好需要媽媽的愛同安全感
會唔會係肚風？可以試下用油搓暖自己隻手同佢按肚仔，佢放到屁會舒服啲
如果你抱住佢會瞓得好少少，你可以試下喺安全情況下抱住佢一齊瞓，咁樣你同佢都可以休息到，而bb瞓到覺又無咁忟憎
通常初生頭一兩個月最難捱，加油呀媽媽
之前陪月講bb如果肚仔唔舒服係會喊到尖叫咁，你可以留意下。同埋多d同佢按摩下肚仔，可能會好dd。媽媽加油
有冇用包被包實訓覺？ 包實佢地安全感大啲，容易啲訓好。
類似咁樣
你見醫院婦產科姑娘，將個個bb都包住包被放好比佢地訓，係有原因既。
你可以試下自己用手擠奶，睇下出奶有冇問題。如果出到，即bb應該飲到。
可能係猛長期，又或者bb飲得唔夠飽，快餓，又要食奶。
你可以揾餐，pump完用樽餵，飲到佢個咀收工，點氹點攪都唔開口
然後睇下佢隔幾耐先肚餓，（正常2個鐘）。餵完掃夠風，換片，先好包實比佢訓。
我個仔初生嘅時候，突然成日叫我抱，當時我上過嚟問各位JM點算，有JM都覆我唔怕抱BB，況且大個咗冇得抱
我之後抱返我個仔，依家佢就嚟四個月大，安全感好夠，越大反而越唔使抱，仲可以自娛添
我有用包被
奶奶教我可以比BB打側訓
安全感大D 唔會少少聲都嘈醒
呢兩日依然每個鐘一次人奶
片片都係正常 所以阿B係夠食
但唔排除係因為佢懶唔啜 加上人奶好快消化
所以好快餓
另外其實依家有產後尋麻疹
成身都好痕
唔夠休息搞到仲差左
我都試過有，揸曼秀雷敦隻薄荷膏止到痕
打側瞓，用毛巾卷起放佢旁邊頂住/做窩枕
如果濕片夠，可能真係猛長期
或者係想啜野要安全感
我女頭四個月都係極度缺安全感，
但只要佢想我都盡量抱，要建立同佢之間嘅信任同良好嘅依附關係
到咁上下開始識爬，抱住都扭要落地玩添
我係餵人奶0個月至3歲半，頭兩個月有補奶粉，同盡量請陪月，爸爸，婆婆照顧時自己瞓，我女都係喊足一百日，最緊要媽媽你爭取時間休息，同女一齊瞓，大大下會好啲，最緊要揾人幫手你休息，如果你想餵人奶，我唔建議你放棄，因為第二個月又好啲，第三個月又好啲啲加油！
個人分享
蕁麻疹多數係壓力來源，記得勤搽Lotion保濕
我女未滿月個陣都有你類似甘樣
佢chur住啜奶啜得密
食極都唔夠，最後啜到無乳腺傷左
唯有等自己好返
另外我會用油同佢搽肚排下風
記得搓慶隻手先