最近係其他群見到d 人話好憎人放對鞋係門口，其他人留言話見就掉走人家一隻鞋，包保以後唔會再放，又有人話唔著入屋即去過污嘈地方，係門口噴消毒正一自私精，攪到走廊無曬衛生。
我又留意過左鄰右里，佢地真係個個出街後都著埋對鞋入屋，又好多鄰居係走廊先除口罩掉垃圾房。之後先再入屋。
我自已就習慣係門口除鞋入屋洗手，掉口罩，洗手，沖涼，之後先係噴鞋消毒，你地又係點架？
我屋內放有地毯，每次都會喺地毯先噴濕白水，再踩上去除鞋，之後用消毒噴霧噴鞋面，再除衫褲入袋，噴消毒(焗一陣後再放入洗衣機），戴浴帽（因我要幫小朋友沖涼先，所以我會戴住浴帽，浴帽每晚沖涼時洗），最後洗手。
（我地呢度唔比放鞋／地毯喺門外）
1個讚
我唔鍾意開晒門係門口位除鞋先拎入去, 我會入到屋內, 係玄關有鞋櫃換鞋(當然唔係外國official嗰種玄關咁大啦),
好討厭放鞋係走廊, 有冇疫情都唔應該, 無公德心
1個讚
我呢到都話唔俾放鞋、放地毯呀，有時好無奈，入屋洗手遇上巡樓，又催收鞋 
我地一家都著鞋入屋
係玄關換鞋
1個讚
你就好啦有玄關位 
間屋一定好靚 
，我公屋仔超細，買得多野時一袋二袋轉轉身都難，又驚d袋撞到雪櫃 好輪盡
我係除鞋入屋
我叫佢做玄關啫, 呢D叫自我感覺良好, 實際上一開門已經係廳, 鞋櫃旁已係雪櫃,
我都成日一袋二袋, 好多時仲係收工後著住對heel一袋二袋, 我唔理啦, 一入屋即刻放地下, 再除鞋, 最後先將一袋二袋歸位, 反正有袋裝住, 放地下唔係問題, 個袋都會洗。
對鞋入左屋, 既然都會抹/噴下對鞋, 咁唔爭在抹/噴埋地下, 反正都係一個step,
btw, 凡係一袋二袋都係論盡架啦(假設冇人幫你拎), 唔理你係屋外定屋內換鞋
入屋之後先除鞋
玄關位做左個矮鞋櫃，可以坐向度除鞋
以前除鞋後會直接放返入鞋櫃
而家就要放向玄關噴噴等乾先再收埋
不過我係極唔鍾意啲鞋放玄關位，因為地方太細得果幾格階磚，仲要放嘢向度真係好礙眼
疫情關係冇辦法啦
我一開門係廳同房，一眼睇曬 
我試過買橙，一放落台即刻 look 走，抹c人，宜家買得野多索性放個大紙箱係洗衣機面，入屋塞曬入去，但個手袋成日撞到d櫃，又要消毒，好煩，咁你連手袋都放地？
唔會，手袋上膊，兩手拎其他嘢、開門，
但其實都係會噴手袋，我覺得放地下都冇分別，唔放地下只係心理上好d
我會入到屋入門口入面除鞋
係鞋底噴漂白水
放好鞋後再係之前踩入嚟個位噴多次漂白水
1個讚
咁屋企地下都乾淨既
其實好鐘意日本人個玄關位，有一級可以坐喺到除鞋，乾淨好多，
1個讚
我哋除咗鞋先入屋，跟手噴埋消毒酒精係對鞋度然後拎返入屋
2個讚
不嬲都冇放鞋響公家地方嘅
見一對掉一隻
除左鞋先入屋，入屋之後會擺返入鞋櫃，所以唔存在阻塞通道呢個情況…
1個讚
入咗屋入邊先除鞋之後用酒精抹鞋底同埋地下
1個讚
我係門口除鞋
然後入廚房放低野之後先拎番對鞋入屋，係廚房除口罩同洗手，然後沖涼。
如果同小朋友出街，佢仲細要入屋坐係地下除鞋。
1個讚