去開邊度求？
通常問乜野？
覺得支籤準唔準/籤文有冇講中你想問嘅野？
我去過文武廟同埋黃大仙求籤問學業工作，求過3-4次，次次張籤都好明顯係關於學業工作，譬如有「功名」、「棟樑」、「成就」、「居麗首」、「艷冠」呢啲字 
有一次我問應唔應該轉工，籤文竟然出「莫在他鄉求別藝 切須守已舊生涯 除是其餘都不利」，其實唔係話佢準唔準，而係竟然貼題到痴咗線
我年年都去車公廟
不過我又好少有特別嘢問，都係問overall 情況咋
我係年年黃大仙
黃大仙車公都求過，覺得黃大仙準啲，試過車公求過一枝一號籤，解籤佬話枝籤太好要俾錢做功德，即係俾錢佢初一十五幫我還神定唔知點咁，但果一年我唔覺得有啲咩特別好咁
題外話：求完係咪一定要年尾還神？
我咁多次都冇還過
我自己睇咋，都唔係咁難明
正路要
唯一一次係去文武廟求籤
問工作
超準, 完全中晒
2個讚
上環文武廟，找玻璃層的叔叔
即係邊個?
唔知大叔叫咩名
文武廟右邊有幾檔解韱
冇記錯應該是第一個
佢好搞笑起左個木加玻璃嘅小空間幫客人解韱
近幾年去黃大仙求簽，非常準
初初去求到第一簽，個解簽伯伯話其實你唔洗黎解簽，呢支簽求乜都好
查過原來黃大仙得三條上上簽，我中過兩條
3個讚
我係年頭作風，年尾還神
都係簽下香油同求籤
得佢一檔係咁?
我細個年年都同阿爸阿媽去黃大仙求簽
直到某一年起, 我幫我爸mark簽號
黃大仙一直都係話我老豆平平, 自身平平, 工作平平,(不過每年都會話難做, 今年差過上年, 不過有小小橫財) 個時搵解簽佬 - 陳伯(走左啦) , 佢都講到我老豆好滿意,
年年都搵返佢, 佢個樣好慈祥, 耳珠好長又包滿
又到某一年, 我爸病左, 去求黃大仙
我唔記得簽文講咩, 但我老豆最終都係走左
(個時起, 我同我媽都講黃大仙唔準, 一來D人話, 黃大仙廟變得商業化
而黃大仙唔鐘意咁樣, 所以唔係廟內, 2來老豆件事)
之後有幾年無再去求簽
再之後我都唔記得邊一年, 求我同阿哥姻緣
話我既姻緣已有, 留意身邊, 但都係無
(因為陳伯不在, 我地又好多年都無去黃大仙,
行左3個圈, 搵左位女解簽, 佢解得我一般般, 無陳伯個種"服" (心服口服)
比左幾百蚊作個福… 話幾個月後都無就打比佢
咁過左幾個月後都無, 我媽真係打去, 不過女解簽者亦都早已忘記我地
講左幾句都係話, 叫我地返去再作福)
其實我問姻緣次數多到數唔到, 次次都係話有,
但… 我而家仲係單身
2個讚
係，所以有d搞笑
我細佬求過一支下籤，個解籤佬叫佢俾三百蚊幫佢化咗支籤…又話今年犯太歲要買張金卡傍身
緊係無幫襯啦
呢個師傅我有睇過佢做節目嘉賓
有次真係屎忽痕想試下搵人解籤
點知見到嗰名 咁熟面口嘅
佢解籤收得我覺得啦算貴
可能因為我支籤好正面
所以其實無乜野可以講
不過一年求三四次籤
唔係收幾舊水嘅話我都無乜所謂
嘩嘩嘩～你覺得嗰年係咪真係順利d？
印象中好似80，但我是前年問的
原來有上電視，你知唔知佢叫咩名？