事主唔係我，我好少頭痛除非唔夠瞓同工作極忙，通常飲下熱紅茶就舒緩好多
我有幾個同事成日有頭痛問題，男女老少都係
有冇良方？
前幾集恐怖醫學有講
2個讚
我頭痛一定要食止痛藥。
試過忍住唔食，但唔識停同會越黎越更加痛…@@
最後都係食藥
請問你食乜藥？
我啲同事係誇張到用可樂/葡萄適送藥
我就大約一年出現一次 食藥瞓一覺就冇事 之前係日本買隻EVE藥覺得幾好 不過最好解決成因啦 成日食藥都唔好
1個讚
小小痛我飲可樂
普通必理痛一次兩粒，休息下就會無頭痛。
嘩，我又未試過咁送藥。
但我會先食少少野然後食藥。
成日頭痛報到
由細到大都係咁，醫生都睇過過n次。
少少緊張，唔夠訓，m到前幾日，教仔教到谷鬼氣…都會頭痛，一個月實會痛你兩三日咁
有做運動嗰排係少d
1.唔算太痛時 忍下 做其他野分心
2.再唔掂就飲寶礦力。
3. 頂唔順就食一粒必利痛。
最好真係平時做下運動，好work.
以前我會跳繩，快靚正，每日十分鐘身子好好多，可惜我呢年身體關係唔跳得。
1個讚
頭痛其中一個原因係身體缺水，可以試左飲水先，細細啖，慢慢吞。
另一個方法有人教保礦力開暖水，話退燒頭痛都得。
2個讚
必理痛，我忍唔到頭痛，一痛就食
日本幾多人有
頭痛只是病徵，要搵到咩原因令佢頭痛才能對正下藥。
我都係食Eve去解決頭痛問題，好快無事！
邊個位置痛？？我唔想食太多藥，如果前額痛會貼退熱貼，舒緩到。
令我諗起我以前返工有個阿姐貼啲藥膏布係太陽穴，問佢仲乜貼兩塊野，佢話頭痛。佢唔太理自外觀係公司周圍行仲入房同老品講公事。