其實唔係好明關錢乜事
可能我覺得佢啲錢係佢啲錢
我自己都叫做人工夠食用
一來唔會貪呢啲錢
二來有啲人會用錢去話你唔得「感恩」，收得就要好多附帶條件
呢啲錢要左有後果嘅，不如不要
1個讚
嘩 你家姐係咪未嫁之前同娘家關係唔好
都係嗰句老套說話: 第時你新抱唔想你掂自己個孫，唔想你上自己個仔屋企，你會點？
你可以話，我好識做嘅，feel到唔妥自動閃人，但睇怕都唔會笑住走啩？
改變唔到奶奶唔嚟，改變吓自己心態，“身教”，BB每日長大，睇到父母行為㗎!
唔想佢日日嚟咪開心見誠講，諗到唔想佢掂BB真係講唔通。
2個讚
睇完呢個post更加覺得做ftm要諗清楚
好多女人成世嘅重心就係喺家庭，冇收入冇自己嘅生活，慢慢老公仔女都睇唔起又會嫌自己麻煩
8個讚
唔止 ftm,好多退休嘅長輩都係咁，我老爺以前好高級，而家個生活只係圍住啲孫團團轉，以前仲要對我哋嘅生活話事。成日講以前啲嘢。似乎無咗自己生活係好多老人嘅通病。
老人家好多都好自我，就算佢哋之間同輩，成日覺得自己好過人哋。
2個讚
有一個方法你可以考慮
就係了解吓點解你奶奶會變成咁,可恨之人必有可憐之處
我奶奶都有好多缺點,我都好唔鍾意
但我知佢身世,係一個孤兒,所以好冇安全感,導致佢有好多令人側目嘅行為…
亦係因為咁我好體諒佢,成日諗佢咁都可以湊大我老公真係好神奇
所以我對佢係憐憫多過厭惡
8個讚
多謝你先，我相信95%女人嫁咗都寧願痴自己屋企多過夫家。其實結婚呢啲嘢好脆弱，只要touchwood我同我老公離婚，嗰啲咩夫家人一定係變陌路人，我就唔信有夫家會幫住個新抱唔幫個仔(就算係個仔錯)
娘家幾衰幾唔著點都係自己血脈，同我一齊長大，係我後盾。夫家係老公既事，我愛佢會畀面佢做足，但唔好成日攞啲咩自己孫呀道德同親情騎劫我，如果佢哋係咁我娘家一樣會咁做，睇下邊個煩啲
你家姐好離譜，我估都係錢作怪啦。我就覺得夫家有錢冇錢唔關我事，我窮都唔使佢哋畀乜畀乜我，咪使旨意畀氣我受。窮又點﹖我窮開唔覺得有咩問題，我品格正常就得啦，配得起你個仔有餘
2個讚
所以經驗分享，呢個世界冇話有咩做唔到，尤其是呢啲人際關係嘢，我唔會屈就自己而忍受啲無理滋擾，大佬日日上嚟喎，湊仔已經夠煩架啦，佢仲要日日﹖而家我收啲咩大恩惠要犠牲自己生活空間同私隱去忍受你日日嚟﹖佢請個工人服侍我呀﹖我老公ok我阿媽日日上嚟睇住佢湊我咪得囉，男人唔好咁口響要個老婆就呀，佢自己得先好叫個老婆咁忍
我所有嘢都係1+1=2，婆媳如是，家務如是。但因為我均真，咁多年我啲麻煩娘家親戚唔會夠膽煩佢(曾經想點佢做呢樣做嗰樣)，因為佢哋過唔到我嗰關，憑乜點我老公﹖
3個讚
會難受，但正常人都唔會需要去日日去人屋企掂人哋屋企個bb，孫又點﹖唔係你個仔就唔係你個仔，新抱唔鍾意日日嚟好正常
6個讚
樓主忘記左個老公都係奶奶個仔，咁個老公係咪都學到啲失敗野呢
2個讚
係，都係要老公出聲
同埋要搵人傾，唔好谷谷埋埋自求助就太遲
我嗰時就係唔識拒絕，俾99一步步進迫
佢唔止自己來，仲帶朋友老死三姑六婆啲仔女黎
然後日日言語炸，行為炸
真係迫到我抑鬱左
見社工，佢提左樣野叫「情緒勒索」
我正正處於呢個境況
我明人要有同理心，但有時啲野都要有個界線
我99嗰時係連我屋企有幾多個環保袋都要管
後來社工見埋老公，其實大家都知99呢個年紀已經改變唔到佢
最後老公叫停佢
但唔係唔俾佢見孫
我地帶上佢家俾佢見
tear gas嗰段時間，因我屋企都近放彈區域，好聲氣請佢上來換左件面衫（已準備好俾佢）
但佢都係唔肯，咁老實我地都要為bb健康著想，唯有婉轉講最近可唔洗黎住
而家家就話疫情同有姐姐湊住
佢上來可以
但要守下規矩eg 洗手，噴下個人
正如我上佢度都守佢嘅規矩一樣
補文: 《你被情緒勒索了嗎？》
3個讚
三姑六婆？如果係我我就算喺屋企都唔開門，個屋企係我，你騷擾我我報警都夠膽
當年我老公邀請親戚上嚟坐，我未放工，佢事後話我知有個女親戚對我啲時裝雜誌有興趣(好似係Mina or Vivi)，咁隨便睇當然冇問題，我老公夠膽死叫佢鍾意攞走，人哋當然冇，我就爆到我老公上天花板，我啲嘢你叫人隨便攞走？好呀我叫啲男親戚嚟隨便攞走你啲figures同漫畫書
佢即刻知死，不過我強調係我老公自己唔識做。但我捍衛我屋企決心從來冇變
我有比鎖匙老爺奶奶，但我話上嚟前一定講聲(我借口話要同個保安單聲開門比佢哋)，佢哋都好識做
4個讚
岩岩生完第一年真係要特別小心。
有啲野，老公真係有責任幫手同出聲
如果自己唔okay，可以同健康院姑娘講、然後請佢地同老公講
係呀，我99好多朋友
又多親戚
試過阿b未夠10日，佢帶成班佢外家親戚睇b
嗰時我開刀傷口痛入左房休息
佢地走時出廳
成個廳都啤酒味!
要幾鍾意飲酒到探個b一陣都隊啤呢？
我老公由細到大都習慣俾佢媽鬧同控制
佢只係叫我忍
直到我去健康院對姑娘爆喊
先開始處理問題
仲有99帶埋朋友啲仔女黎，3x歲人，完全唔問就拎我屋企啲餅食，話係自己人喎，但飲完水隻杯又唔見呢個自己人幫我洗
真係龍門任佢搬
1個讚
男人就係咁，你講十句唔夠姑娘講一句，好彩你老公最後叫停，都錫你丫
痴筋，去人哋屋企隊啤，朋友啲仔女叫自己人？自己攞餅食？頂，我應該攞刀斬人都似
或者我帶隊親戚朋友殺上佢屋企玩囉，如果佢嘈我叫佢忍，因為佢個仔都咁教我
老公亞媽上黎睇仔都唔得呀，你都好惡
你睇漏咗’日日’兩個字
日日一定唔得，係惡㗎
又要睇埋大家性格相唔相處到
如果大家同聲同氣梗係無問題
舉例如果nanci日日上黎你屋企
指指點點當正自己屋企咁
真係頂得順?
可以做ftm ，我自己都做緊ftm，但心理要適當地調整，唔好下下搬出「為咗頭家唔返工照顧你哋連自己生活都犧牲埋」嚟勒索屋企人，仔大女大要識放手，佢哋成家就要有番自己生活、圈子，我都時刻提醒自己保持自己嘅興趣。
6個讚
想 like 唒你所有回應咁滯！我都覺得應該係咁，有人會覺得 mean，但係最緊要係自己舒服嘛。
我就咁睇嘅，個頭開得好，表明立場，之後條路就順好多，因為人哋知你諗咩，做咩之前都知道要接受咩後果，咁佢衡量過都做咪承擔返結果囉，無嘢㗎~ 相反如果模凌兩可，將將就就，人哋就會不斷下試你嘅底線㗎啦嘛！
4個讚