有左之後奶奶成日沖上泥屋企睇BB(差唔多係日日）
未有之前大家關係客客氣氣一個星期食一次飯咁
本來已經唔係太鍾意呢個99 佢係超無主見講野又慢又囉嗦 完全無自己生活 同佢自己老公/仔/媽關係都唔好⋯總知成個人俾人感覺好苦咁
有佢響到我會心情低落 有嚐試過對佢好好了解下佢但愈相處愈覺佢自己係有問題 所以人人唔鍾意佢
唔想BB成日對住佢 依家直頭有D見到佢抱住BB笑就無名火起
唔知有咩解決辦法 又唔可以同老公講唔鍾意佢丫媽:(
學會放下
何必咁執著
2個讚
可唔可以用疫情做藉口？
「奶奶要坐車黎，出入接觸好多人，消毒唔到咁多，bb細，一陣要隔離就麻煩」
6個讚
嘗試中 但一見到感覺又返哂上泥
我地住得好近:/// 步行距離
改變唔到，就要改變自己想法，唔係自己會愈來愈辛苦
加油呀！
1個讚
幫佢搵d世藝，您奶奶太得閒
2個讚
我都係擔心佢對BB有不良影響…
我明白呀！
有冇試過扮出左街唔開門比佢？等佢試多幾次無引唔嚟
2個讚
Exactly
佢同自己老公媽關係都唔好 又無朋友 又無返工
未生之前我有提過我媽媽可以照顧BB 佢問我 “咁我做咩好’
如果我老公發現應該會嬲 哈哈⋯ 同埋表面我地係好客氣既 我都做唔出
其實好難喎
BB係佢個孫，在情在理無得唔比佢掂啦
仲有99無做咩傷害BB啫
BB學野學得好快當然係想佢親自己approve既人.,
佢覺得佢奶奶做人失敗睇佢唔起，所以驚個仔俾佢抱得多，個仔會學到佢啲失敗嘢。
如果佢奶奶有幾層樓收租，應該幾乞人憎都冇新抱嫌棄。
8個讚
唔知你阿B有幾大，我估幾個月到一兩歲?
但阿99你覺得佢同人相處有問題，你會唔會太睇高一個BB學同人相處嘅能力?
不如一句講曬，你唔鍾意99，所以都唔想BB同佢interact 啦⋯⋯
但除咗個人喜惡，真係無咩理由阻到99去睇/掂孫
係人既問題 同錢銀完全無關係
其實99仲會係咁塞$俾BB 我都唔想收!
係 你講得啱
所以up住up住
又無得同老公講
叫老公同99講
疫情關係，為佢好為BB好，唔洗日日上嚟
呢個真心話
99上黎都係玩孫㗎啫又唔係要佢幫手湊
2個讚
我諗你真係要改變下自己諗法啦，佢又冇做錯啲咩，唔通就係因為佢老公同阿媽唔鐘意佢，所以就連孫都唔可以見同湊？
你咁樣好小朋友
4個讚
係
我都想改變自己對佢既睇法
只係一見到佢個樣聽到佢把聲 D負面情緒又會浮出泥