想學結他，但唔知去邊度搵老師好，我知琴行有，但唔知邊個教得好。
Albert Au
初學其實搵邊個都冇咩所謂啦…
1個讚
同意。
1個讚
佢有良知，之前送咗個古典結他入牆內
牆內入嘢好多要求㗎…
https://m.facebook.com/profile.php?id=1092642170759157&ref=content_filter
3個讚
如果無頭緒先去琴行學左先。
起碼有個開始唔好為搵老師停左係度。
我唔識彈結他，但我以前為左五月天一首歌好衝動買左支結他，上網學，學識左少少就無再彈，最後支結他送左俾人
1個讚
謝謝，可惜佢喺觀塘區，對我嚟講比較遠。
說出重點來。
結他都有好多吾同類型，STYLE吾同都會有吾同老師。
- 你想學咩結他？古典，民歌/流行木結他，電結他？
2.或者你有冇目標？e.g. 你想自己識彈咩歌？你想係自彈自唱？定係同人夾BAND？
3.清楚左目標之後，可以問下老師會吾會教你想學既野，或者去 SEARCH 老師都容易 D。
基本功其實所有類型都一樣，不過了解自己個目標，話比老師知，咁你會學得開心D。
希望幫到你，彈結他初初吾容易，但只要有恒心，學會之後會好好玩，加油啊！
1個讚
我想學[quote=“wiki_t, post:9, topic:41578, full:true”]
結他都有好多吾同類型，STYLE吾同都會有吾同老師。
- 你想學咩結他？古典，民歌/流行木結他，電結他？
2.或者你有冇目標？e.g. 你想自己識彈咩歌？你想係自彈自唱？定係同人夾BAND？
3.清楚左目標之後，可以問下老師會吾會教你想學既野，或者去 SEARCH 老師都容易 D。
基本功其實所有類型都一樣，不過了解自己個目標，話比老師知，咁你會學得開心D。
希望幫到你，彈結他初初吾容易，但只要有恒心，學會之後會好好玩，加油啊！
[/quote]
多謝你嘅建議，你咁講我似乎清晰啲啦。
我想學民歌/流行木結他，亦考慮過ukulele，只係學來自娛玩下。
我自己完全無學過樂器，亦無音樂基礎，請問你所講嘅初初唔容易係指邊方面？係咪手指會痛？
民歌/流行木結他 good 呀！學識左可以自彈自唱。
彈民歌/流行木結他，魚絲/鋼線木結他都可以。
ukulele 小兩條線，又細個 D，當然會易上手D，但同時佢既音域就無結他咁廣，無咁多變化。自娛既話，就選擇一個種你鐘意既聲音啦。
我話吾容易係因為好似鋼琴，你㩒個琴鍵就有聲音，但結他就要 D 時間同努力先可以準確發出聲音。手指都預左會痛，不過吾緊要啦，少少痛啫。
無學過樂器，無音樂基礎，吾緊要，只要有恒心每天練習就一定得。加油加油！
1個讚
哈，原來有魚絲同鋼線，咁魚絲咪無咁痛囉？但就比較易斷，係咪？
所以我都係心儀木結他多啲，但ukulele就好可愛。
多謝你嘅鼓勵呀，我已經積極搵緊心水老師或結他班，都想盡量搵返係同路人嘅，但時間地點都仲未夾到。
認真，買個2手大牌子古典結他（尼龍線），睇過結構冇問題，fret(即係手指撳線位置金屬條）有冇鬆同蝕，最好搵個識彈朋友幫銀。youtube 睇下video，掃下彈下都得。初學來來去去5-6個簡單chord, 進一級就bar chord, 即係食指打橫撳6條線，彈下歌仔。捱到頭3個禮拜手指頭唔再痛夠力bar chord先算。有老師唔係唔好，要知自己想學邊類型要學技巧先搵唔遲。
2個讚
好專業啊！
我無朋友識彈結他，咁我試下搵邊度買結他好啦。係咪初入門尼龍線好啲呢？
我見我細佬果時學結他係自學, 無上過堂, 剩係買幾本"彈指之間"就日彈夜彈, 越彈屋企就越多結他, 木結他, 電結他, 電木結他, BASS…
佢真係純為興趣, 無人迫佢練同考級, GUITAR同BASS唯一一次考就係考8級, 因為佢要教人同開MUSIC CENTRE, D家長想要呢D"QUALI"
2個讚
初學彈尼龍線手指冇咁痛，雖然都係痛。二手結他asia expat 大把，好多時3幾百有交易，不過都係搵個識嘅朋友幫下眼好，識小小都好。再唔係叫賣家tune好彈兩個chord聽下，結他靚唔靚唔係問題，買返嚟tune 唔到嘅就晒錢。
2個讚
你細佬好勁，一係好有音樂天份，一係就對彈結他勁有熱情。
多謝，又知多樣嘢，咁我會揀尼龍絲。
真係唔識有朋友識彈結他，咁即係唔駛諗二手。
我有學過下，不過懶練習，上網都好多教學，可以睇下。
1個讚
應該就唔係天份, 果時佢升中, 學校派一樣比佢學 – 小提琴, 但佢完全無興趣, 玩左一年就唔玩。 反而中二自己買支CHEAP CHEAP結他返嚟日彈夜彈… 我覺得興趣最重要
1個讚