11月開始備孕，之前做晒body check
但宜家未有咩好消息
都一直有睇中醫
中醫叫我唔洗計日子
差唔多時間就做下功課
但我無理，照用試紙check
諗住萬一有咩事都有record方便同西醫講
而我本身呢份工都ok 穩定
但最近！！！
有兩個極其討厭射搏黑人憎男同事
激到我屎！又唔想同老細講，
怕佢覺得我講事非，所以呢輪心情唔好
今個月都唔大希望
By the way 我決定去仁安睇下西醫
做個consultation 都好
睇下會唔會有advise比我
大家有冇試過做consult??
大家又會唔會遇到返工激心大壓力～
但又ready想要bb
唔知仲做唔做好？？
既然大目標已訂左備孕，其它小事例如同事激心野就要學識暫時放低下。加油！
十一月到宜家先幾個月，唔洗咁心急呀，bb ready就會嚟搵你
一般嚟講備孕一年無消息就會去睇生育科，所以真係唔洗想太多住，放鬆心情啦，小人度度都有
我自己就睇咗一年生育科最後成功咗，加油
我都係11月開始備孕，都有睇緊中醫，中醫都話主要個人要放鬆唔好咁大壓力。公司嘢就盡量放低唔好咁激心呀！嬲親自己仲麻煩，不過我都明白啲衰人咁係好難唔理嘅，但盡量放假做下其他嘢分散下自己注意力，咁會好小小㗎！
我都努力當中，希望你都快啲有好消息啦
我上年都係備左好幾個月都無好消息，份工又好難頂，唔知係唔係心情都有影響喇。最後決定quit,返緊新工喇而家～
生育科如何幫你呀？
除左iui ivf資訊外，有無其他advise?
Yes yes 所以都要提自己唔好激心，祝你早日成功
我身邊都有朋友直頭停工休息，留意自己情緒都好重要
Iui ivf前有半年左右治療㗎，長度因人而異
首先做基本檢查，然後觀察你hormones/卵泡/子宮膜呀咁，有啲hormone唔夠就食藥補充，同埋醫生會好準確地話你知timing
我食咗兩個cycle藥都唔得，醫生就叫我做輸卵管造影檢查，睇吓輸卵管有無塞，做完呢個檢查之後嘅兩個月會易中啲，結果中咗
我上一份工好大壓力, 搞到自己周身唔妥
當然懷孕都唔成功
之後決心轉工
結果轉左工嗰一個月就有左
所以工作有壓力真係唔可以睇少 會好影響
用clearblue 排卵笑哈哈先啦
我第一胎2個cycle 第二胎3 cycle 中
我之前都備孕左成年都唔中，可能因為我本身經期好亂，試過黎左成個月m，之後睇中醫調理，我睇果個中醫會幫我計埋日子做功課，而且要我每日都度體溫，睇左兩個月就中左，而家阿b4個月大好精靈添，記得要保持心境開朗，唔好俾壓力自己
我上年小產左兩次，宜家食住藥準備遲d 再試
因為工作又係有好多激心野，所以已經辭咗職，比自己休養吓先，如果下次再有又比人激親就唔抵
對於我嚟講，工作係會多啲影響到生BB，之前份工好辛勞，返長時間同激氣。之後休息咗一排，轉咗份輕鬆好多嘅工，加埋大概半年時間就有咗BB，我都覺得好意外
我係無睇中醫調理身體果D，反而係真係比自己好好休息，放鬆心情最重要！
而且一個月一次機會，11月到而加都係3個月，唔使咁擔心！加油
IVF呢條路真係唔容易, 一齊加油~~
我覺得心情會影響壓力影響荷爾蒙可能都會影響備孕。
如果公司呢個情況係短暫嘅就睇開d唔好上心，如果係長期冇辦法解決嘅就真係要諗諗轉工喇，生仔係一世人嘅大事，唔好擔誤咗自己