請問大家覺得九龍塘宣道同九龍真光幼稚園邊間會好啲啊…？
囡囡兩間本身waiting, 寫咗求位信後收到pm offer～
多謝大家～ 
兩間都 pm ?
我會揀真光
兩間都PM，同喺九龍。 講問點解嘅？
我揀宣道, 因為有機會上宣小
但宣幼啲人話好淺，要外補先跟得上宣小。 宣小係九龍塘谷谷三寶其中之一，仲係最谷…
就咁睇，宣幼好似銜接唔到宜小咁…
宣小只收宣幼頭60名上小學。即使有人reject, 都唔會收排61後嘅小朋友
咁係收外來生i/o 宣幼排61後嘅小朋友嗎？
如果肯定到自己係有能力谷小朋友考筆試，咁宣小。如果唔怕谷，只怕自己筆試衰硬，咁真光，不過真小都唔係少野，佢都係傳統讀書學校。
識人係宣幼但上唔到宣小，最後考到 RHS，抽到黃大仙區嘅嘉諾撒小學。
1個讚
我哋之前都有RHS K1 offer, 但因為突炒老師我哋對間學校大打折扣所以無留位。
照咁講… 宣小係好谷而宣幼又比較淺咁…
除左德望，龍幼都唔會深得過嗰啲大牌幼稚園。
宣小係典型 no pain no gain 學校，九真亦係。
請問兩間學術可唔可以define 係咁?
九真幼：正常
九真小：正常谷
宣幼：比較淺
宜小：頗谷
如果係 1-10 嘅 「谷」 scale 黎計（「谷」同「學術」係分開計，兩者唔一定有關聯）畀多幾間你去參考，諗下、比較下：
谷 1-10 （即係功課、默書、測驗考試範圍量）
九真：7
宣小：8
女拔：4.5
德望：8
培僑（直資）：4.5
協恩：7
軒小：6
學術 1-10
九真：7
宣小：9
女拔：9
德望：9
培僑（直資）：7
協恩：7
軒小：5
咁你應該大概明白到個感覺。都係嗰句，no pain no gain，你幼稚園唔還，小學要還，小學唔還，中學就肯定要還。
宣幼/其他龍幼同小學部嘅關係就有如兩間軒小同皇仁嘅關係。軒小冇教深，但因為聯繫、地理位置，好多人入到皇仁。皇仁收得嘅學生，尤其係自行嗰堆，肯定係非常掂，咁自然軒小嗰批就被比下去。唔代表軒小嗰啲唔會跑出，只係「對手很強」。宣小亦一樣，外人考入去，學術一定係好強，但唔代表宣幼銜接唔到（做得佢幼稚園部，都一定會安排銜接）亦唔代表讀唔上。你可以做嘅就係多啲搞學術，準備充足，咁去邊度都唔怕銜接唔上。
4個讚
宣小最大問題係冇操場
九真小個校舍都好似唔係大…
好感謝你嘅意見，好有用～ 我會再深思熟慮吓，希望揀到一間適合我囡囡嘅學校～
計面積嘅話
九真小學 12 個課室，1,400 平方米，1 個操場
宣小 24 個課室，7,022 平方米，1 個禮堂同 1 個有蓋體育館，體育堂禮堂上，平日小息課室
其實有冇操場同校舍大細，唔係咁重要。如果係近十幾年讀小學嘅話，應該知道好多小息、午膳都唔會去操場，有啲係老師攞黎搵學生，有啲係去圖書館、電腦室等等。宣小雖然冇操場，但有禮堂同體育館，校隊嗰啲會去其他學校/公園做練習，一樣都有得放電有得玩嘅。所以可以放心～
不過如果你小朋友係好需要大量放電嘅小息，咁其實兩間都唔適合。