突然見到自己個名
其實學風水都係可遇不可求
一堂其實唔貴，但因為呢個學問遠比大家平時係網上平台見到聽到嘅高深10萬8千倍，所以一學幾乎係無止境
（同勞力士無止境一樣gag 完）
所以…
1 你真係要有時間學先得，因為學完之後仲要溫書
2 好多嘢要靠自己去分析、領悟，老師話比你知道個方法，好多嘢都要靠自己去諗通。雖然我依家只係中班，但其實都開始feel到有d同學嘅問題好明顯show到佢地個思維唔係嗰條路度，即係未諗通
3 永遠無人話你知你跟緊神棍定係良師，係學習途中你都會有懷疑。因為玄學其實好難去證明，就算擺咗風水後有改善，唔信嘅人依然會覺得係「咁啱啫，係你自己對號入座⋯⋯」。我相信係呢條路度，你嘅信念會不斷被動搖。學幾年風水其實學費可以好似度個degree，但無cert無證明，其實你會覺得好唔「實在」
呢度係我小小嘅感覺分享
因為我有追開你個post
本身糾結緊學奇門定斗數
但睇你個post同連登個post 啟發咗我
同埋多謝你無私嘅分享，睇你學習嘅過程已經好好睇
如果你得閒就再分享多d，我好中意睇㗎 
呢個可以分享下
據我所知，奇門好似係買一套嘢返黎跟住跟instruction去做，似係占卜+解答，唔係祿命術（算命）
斗數比較考功夫，易學難精，但斗數斷六親同感情就最準（同八字比），要玩到出神入化都可以睇流月、流日甚至流時，可以知道邊一刻比較容易賺錢（假如玩股票），但一般玩到咁應該都好攰，未必有精力幫人地睇盤
好老實講，某程度上我覺得可以幫到自己、家人係各方面提升已經係好足夠，去到幫人去開盤睇盤，以我性格我未必得，因為我太盡力會太上心 幫人地批，某程度上唔可以批到盡（講事實） ，要拿捏分寸其實分分鐘難過開盤
唉，學咗之後先發覺平時d風水貼士其實真係好皮毛皮毛
真正嘅風水根本係好複雜，無得靠睇下網頁youtube就會擺得啱
平時大家接觸開嘅風水嘢，根本就係d用黎「吸引」觀眾嘅嘢
我覺得時間短都覺得，呢行真係有太多太多保留
仲有一樣嘢就係
所謂玄學嘢基本上學開就會全部都會去學，只係學既先後次序問題，因為大家可以互補，無人會只係學一種
以命格黎講，對玄學有興趣，就唔會只對一樣有興趣
嗯嗯你講得無錯
奇門同斗數，一個係問卜，一個係算命
因為自己大約知道自己條命大約係點，反而平時好多事情揸唔到主意，所以想有d嘢帶領下
斗數好準，八字可以係大方向，但斗數就睇到好細緻，不過命就整定，睇得再detail，條track 好似難以逆轉，同埋無錯，如果日日追住睇流月流日，就真係太攰啦
唯有風水、積陰德、讀書加持一下，趨吉避凶
我唔係好識表達，我自己覺得風水，唔洗加入太多個人感情
反而幫人睇命就好睇個人修為 << 分享小小
每個人嘅「主觀」其實都係來自自身嘅成長經驗, 呢個係好簡單嘅行為認知心理學。
一個自細屋企做生意, 讀書零用錢任用, 出黎做野老豆睇撚住
另一個生活好清貧, 打份二分四, 洗多一個幾毫都要諗諗
咁佢地對「錢」嘅概念一定會唔同
所以好驚比人睇八字個d，自己又識小小扮代表講咗d唔應該講嘅事，講者無心聽者有意就大獲
sor 我都好長氣，因為係呢到講呢d有知音，講得太興起 
其實真係觀點與角度問題
一方面可以話係限死自己，其實另一方面可以話係崔吉避兇
人最難係認命，因為係人都想發達、對將來有憧憬，但知道自己個盤係所謂「低級盤」，其實係好難接受現實。
但其實只要能夠打破自己嘅呢種想法，嘗試將個「低級盤」推到極致，未嘗不可呀
就好似一個演員佢個角色就係綠葉4號，其實佢點努力都係綠葉4號，有分別嘅就係點樣將綠葉4號演得淋漓盡致，其實就係一個演員嘅修養
中曬
自己知道自己性格，真的假不了
… 好難違背良心講嘢
或者對我黎講呢種都係一種修行
多謝你的回覆先，我明你的意思。有啲野之前睇過算命，真係發生左，唔認命都唔得，真係好多野都整定咁
做多善事，儲多d福報
係最差嘅時候起碼可以擋一擋
加油
嗯，我會
唔知點解，通常喺我低潮時總會有人喺我身邊拉一拉我，係我嗰時無留意。
之前識人學八字，都袋倒唔小野
你都加油呀，睇到你學風水個post, 係味學完喇？
同勞力士一樣
無止境
同埋我學咗3-4個月咋
好同意, 所以我就算學咗幾年八字, 自問未夠班, 都唔敢幫人睇盤, 唔想害咗人。
哦，咁加油呀！
我仲想補充小小野，
有啲算命佬真係好立心不良
我睇過一個話我下年好有可能會精神病，要幫襯他買野擋剎，另一個話我另一半有第二個,仲話另一個大肚。
事實證明以上都無發生。
自始之後真係唔會想搵人睇，嗰段時間其實好困擾。
行衰運，連你揀既師傅都係衰
好彩過左去
我初初俾人批,果個人話我缺火,唔好做火行業,但我果時做緊,差D信左佢,之後我轉行都係轉返火行業,係到最近一次大批個師傅先話我係應該做火行業…
咁如果好似我同事咁五行不缺,但本身屬火,佢又係咪岩屬火行業呢?
嘩,果2個算命佬咁衰既
五行不缺都要睇佢命格喜忌, 唔係單單睇佢五行屬咩, 正如你五行缺火, 但如果忌火就唔可以做火行業, 喜火就做火行業有利
真係唔係D江湖術士講到咁易睇,屬水就叫人做水 