唔好灰心 順其自然
等唔到順其自然，試緊ivf了
今年條簽又係好鬼勁，武則天賞花
“古人武則天在位時曾於冬殘春未到時，要欣賞百花，令百花仙子限時爭妍鬥麗，還親自擊鼓催花。”
連解簽伯伯同我老公都話勁
祝你事事順利
今年支簽即係大唔大機會喔？
大呀，武則天冬天要賞花，連天神都催谷生花，好似好勁咁！
1個讚
我信黃大仙求籤，之前開舖續約都有求。
租舖問同人合作夾唔夾，有冇得做，籤係中上，
有得做，辛苦錢但努力就得。
兩年後問續租，中籤，比上年辛苦，但都仲有得做。
2018年頭續約前又求籤，點知係下下籤，
千萬唔好續，會倒蝕返所有野。
當時環境同行競爭大左好多，我同拍檔都十五十六，
求籤後決定唔續。
點知年中商場即壞冷氣，焗爐左4-5個月，
之後就社運喇，又邊有人會估到發生咁嘅事？
所以我自己就好信黃大仙求籤喇。
有人話唔準，其實求籤首先要信，唔信的話我係黃大仙都唔想指引你啦。
第二係有步驟架，上網睇哂先去求，
求籤時要up自己名，出生年月日，住邊等資料，
細個乜都唔識去求真係唔準，大個就知咩事喇。
同埋解籤人都緊要喇，有d會比埋建議，
改善下其實命運都係會有轉變，做善德一定有用。
5個讚
等你好消息丫
心誠則靈
不過都聽過多行善會有幫助 常常心存善念
2個讚
我自己就好信算命
近排去睇過有個師傅問卜
佢真係講中晒我心入面一直諗緊咩
最勁係問卜期間師傅睇得出我之前係比人算過八字
你睇果個師傅貴唔貴啊
問卜$100內
佢唔止淨係講你問果樣野
佢會講埋你性格
可以介紹師傅嗎？
已pm
想要資料啊
thx
我去左睇鄭x恆，師父態度幾有心同埋我本來想大批，他話叫我唔好浪費錢，都係比本書我。叫我小批但答左我好多問題，基本都知道未來走向。
有沒人去過？
自己幾有興趣，之前係高登見到班猛人傾，有試過搭嗲不過無人理，好無癮之下自己走咗自己自學
跟住發現原來係BD傾呢d先係最舒服
btw 我自己睇自己個八字，回望過去，真係好準
我身邊有個好好嘅朋友，我八卦開佢嘅八字睇，嘩精彩，真係唔怪得有人好命、有人黑仔
睇得越多越信命
2個讚
請問你係咪買書自學？
我自己好有興趣，但唔知點入手，去書局望下啲書，覺得好深，係咪我冇慧根。
我係睇youtube & 不停google & 睇命理網d人點樣分析d八字
睇書我覺得悶
不過我真係好皮毛，識睇少少
「窮人算命，有錢人睇風水」
呢句說話算係我暫時最有感嘅
遲d想好似yeah yeah 上堂學下
一命二運三風水，1&2都係被動，唯有3可以自己爭取一下
希望差嘅時候墊一墊，好嘅時候再錦上添花
3個讚
Icic，認同啲書好悶
我想了解自己適合啲咩，尤其是而家黎到人生交叉點，想轉行，但諗唔到有咩特別有興趣，我諗如果知道自己命格適合咩行業，再喺果行努力會事半功倍啲~
好老實，我睇過身邊好多朋友嘅八字，好多應該要行嘅路同行緊嘅路都係背道而馳
以我自己為例，我缺火，如果做火嘅行業應該幾好發展，但我偏偏做咗金行業，所以一路浮浮沉沉，叫做餓我唔死但又發唔到達
不過我覺得轉工呢d算係人生大事，真係比錢出去睇會好d
我覺得算命嗰個嘅修為+聽嗰個嘅心理準備要足夠
知天命之後，你會順應天命定係逆天而上呢
1個讚
認真，有段時間好沉迷睇，之後發覺好多野真係整定
而家唔敢睇，唔想限死自己