【又係睇到火滾嘅練習】
每次見到呢啲練習都真係好嬲，除咗出版社賺到錢之外，完全唔知有咩實際用途！做練習冇問題，但係做完練習都學唔到野就好有問題！
第一，冇context，冇情景冇前文後理，冇目的，除咗因為「老師/媽咪叫我做」之外，完全唔知點解要做
第二，學校同教育局成日話要學 text types (文體)，要比學生接觸多啲唔同體裁嘅文，要令學生明白唔同用途嘅文章會用唔同嘅文字。但係information cards 根本連一個獨立嘅文體都唔係，連教育局個文體清單都冇提及過有樣嘢叫information cards，現實世界都唔會有呢樣嘢
第三，一睇就知呢份嘢係閱讀理解，但係完全冇訓練到小朋友嘅閱讀能力… 唔好話閱讀能力，連vocab 都學唔到。最適合就係跟學校教嘅答題技巧圈 keywords，就可以搵到晒所有答案，一隻字都唔識都可以答啱晒，咁究竟係訓練緊學生嘅乜嘢能力呢？
例如第一題，圈 keywords “colour” 同 ”card 1”就知道答案係green，呢三個字完全唔識，都唔會影響到答題，連估都唔駛估。
就係呢啲練習，令到家長同小朋友以為學緊英文，除咗操練到小朋友成為答題機器，一啲實質知識或者技巧都完全冇學到，你甘於你嘅小朋友只係成為答題機器嗎？
原 post: https://facebook.com/story.php?story_fbid=216663166799775&id=108771457588947
2個讚
呢課係小學二年級，點解明知啲小朋友唔會睇得明第一句都照寫出嚟??
第二句其實係解咗啲咩???
3個讚
隨電子書附送俾學校嘅 PowerPoint
我想問嗰句究竟解咗啲咩??
1個讚
呢課我上年仲教緊，癡線，圖都唔換，我啲學生問部手機係咩嚟
1個讚
幾年級嘅練習？
我覺得information cards呢類題目無問題呀
Comprehension唔係只係有關於文章
任何類別都係要閱讀同理解
一年級
但係現實中根本無呢個文體喎
佢其實有其他頁數係教睇目錄頁，書嘅封面，都有啲用
information card 都夾硬可以係啱文體嘅，佢 set 係睇神獸卡 / pokemon card 咁就 ok, 因為真係會喺現實出現，合理
但係用嚟睇水果真係 CLS
【教科書覺得所謂出得街嘅 Reading Practice】
一睇篇文就見到佢整呢份教材出嚟嘅成個邏輯:
「Oh, 課程指引話要睇多啲 text type (文體)呀。咁我地就整本 reading，逐個 text type 出返篇文俾學生做閱讀理解啦。攞份 text type list 出嚟點指兵兵先… 呀，要寫個 play 呀! 咁就今次就寫個 play 啦。
咦，我地本書，教緊 “How do you go to school?” 喎! 咁呢篇嘢點都要 fit 到呢句落去㗎啦。不如就講嗰兩個小朋友，見到隻精靈，就問佢 “How do you go to school?” 啦! 好啦交得貨啦!」
啲話劇對白 make sense 嗎?
小朋友會覺得好睇嗎?
Who cares? 一出就會有學校買。
然後啲小朋友就一度做呢啲練習功課，一度以為英文科就係等於死記咗每個單元嗰句句子 / grammar item，然後交貨，啱晒就係學咗英文。
好啦，上到中學啦，最後畢業啦，想用英文表達自己意思，同人溝通，完全唔識。就係因為細個係咁被迫睇呢啲垃圾文，做呢啲垃圾功課。
lol 我係樓主
未出一本練習
但有條橋
就係一個故事串連晒一份練習嘅所有部分
咁想追劇情就會係咁想做落去
做又做得開心
同埋要寫同睇嘅文都會有目的同前因後果
做緊嘅時候，小朋友會覺得開心，同時有用嘅練習 ／教材
有用唔單止係考試高分，而係成世人都會受益
好似日常會用嘅英文咁
而唔係操英文操到好似數學操題咁
我細個直情做過類似中文練習
但出版社執咗
作者依家去咗出 TSA練習
同意，仲要有人教點睇書同處理資訊
唔係揭幾多本書無用用
