因為嚟緊會多個細b所以要搬出去住加請工人，新屋有兩間房，打算細B出世後跟我哋瞓，大女剛剛一歲會跟新請姐姐瞓，因為細房比較細放唔到子母床，如果用上下格床可以嗎？我也比較擔心姐姐瞓上面好難成日睇到大女，佢仲細唔個一個人訓得唔得，佢現在晚晚都係黐住我瞓！好頭痕！今胎好多不適，太多擔心，好多事情都難處理
上下格床係可以既！
不過依家好多工主，加上疫情下的確難請人，香港有經驗既 - 除非你加錢，否則都比較難！
你呢啲條件可以試請海外既，不過疫情下、隔離/檢測既費用，再加上之前新黎港既工人都帶病毒…你自己打算下！
2個讚
2b 1工人
照計比工人有自己房比較好
大女瞓覺時應該係父母負責返照顧
工人日頭已經要一湊二，夜晚仲要睇住大女瞓得唔好，日頭點會有精神做嘢
將心比己，呢個工作環境就算係海外都可能會斷你約，根本連教都無得瞓，上下格床已經係其次
4個讚
其實share room都係子母床或者上下床，香港地8成屋企都係share room 啦…
多謝回覆！我請咗姐姐啦，本地三月七約，四月過嚟幫手，因為四大長老湊唔到兩個，所以點都要請姐姐幫手，搬出去住兩公婆都唔可以唔做野！希望姐姐照顧奶小朋友我已感恩！
請左就好喇
1個讚
話咁快就請到,恭喜哂,希望一切順利
1個讚
請問意思係咪你覺得兩個小朋友都係跟父母瞓好啲？因為嚟緊細b係八月出世,咁大b都係一歲多, 如果照顧初生BB我驚會整到大b睡眠質素唔好,到時兩公婆一人睇一個真係頭痛, 仲要返工
上一胎6299住我都有產後抑鬱，依家搬出去都係唔想再咁大壓力。
係啊，我表弟婦早我一個月生，佢個姐姐就話返印尼結婚，所以佢都要即刻請過個本地，佢agent咁岩手頭上有幾個本地完約都急搵下一個僱主唔想番印尼，所以一見就請左啦！希望順順利利啦！兩公婆都唔可以唔番工啊！
呢點我知道，我係比較擔心大b先一歲，自己訓下格床有啲擔心，想睇下有無人咁做
其實bb一喊全屋都聽到
係咪一間房都一樣
工人因為bb會醒，因為你大女都會醒，睡眠不足會好影響心情同工作
你兩公婆係父母都頂唔住，工人只係打份工，你自己諗下啦
同埋，你地要返工，工人日頭都係要返工
工作時間表真係好睇各人家庭生活模式,冇話只得一個format行,但如果chur到工人咁盡,要有心理準備佢做唔長
呢幾個月可以train到大B獨立D,下格床都要裝床欄,正如另一jm講,除非你間屋好大,BB一喊就算隔離房都一定有影響,好多野要識得隨機應變,一定有方法嘅
1個讚
我同呢位姐妹諗法一樣。
當時我有試過夜晚俾工人湊B，工人朝早可以遲起身。不過結果工人慣左早睡早起，我就係夜鬼遲睡遲起，咁就無謂勉強大家改，結果都係我負責夜晚，工人負責朝早。
係，我第二朝要返工，不過我係醒左好瞓返既人，工人唔係，所以就我湊算。
你都可以試下同工人商量唔同既組合，睇下邊個對大家和BB最好。例如：
你放工湊到淩晨1點。然後工人夜晚9點就瞓，1點開始湊B。你淩晨6點再接力至你返工。
或
半夜工人湊，朝早找長輩睇B，工人可以遲起身。
1個讚
即係都唔建議帶女跟姐姐訓？但我見有好多人都係share room咁做㗎啵
呢個就唔同講法，我同意呢點，我要比足夠嘅休息姐姐，呢點當然明白，大家都係人需要足夠睡眠，時間上真係可以配合下，但如果兩個BB都跟我哋同房訓，未必係好事，大個嘈醒嘅細，細個又嘈醒嘅！
多謝你明白，希望呢幾個月可以搞得掂，我都會喺下格床裝床欄，夜晚我都會自己陪到大b瞓咗先返隔離房，大b喊都會即刻過隔離房睇，所以我唔明白share room咁有咩問題! 好多人都係咁！定係其實覺得比姐姐自己一個瞓晒間房係最好？
我覺得你呢幾個建議都唔錯，多謝你耐心分享，我都好明白兩個都係初生BB，大家都會頂唔順又唔夠瞓，所以時間上要配合，如果姐姐朝暈要打點好多嘢嘅話咁我都寧願我地係捱夜果個，因為我全人奶相信夜晚都唔會有覺好瞓、寧願姐姐夠訓日頭精精神神睇住小朋友！
其實share room冇問題，不過大果個都係得歲幾，我比較擔心佢有牀欄半夜醒會唔會有機會碌落地
我女細個都訓bb床到兩歲幾
其實我都係好擔心呢個問題，我都會整床欄但我都係唔交心
因為大女係人奶b本身都好痴我，我我應該都唔可以同佢瞓得太耐，遲啲細b出咗世又要忙，如果兩個b同一間房又唔知點安排好，所以想請教有冇人同我類似情況應該點做