直接copy from FB
之前去非洲馬拉維探望我既助養兒童，先揭發宣明會醜陋既事
岩岩朋友話我知宣明會又俾人揭發做假
身為過來人既我，想再同大家講多次
以下文字慎長，無心睇，唔需要再睇落去
有心睇，睇完可以幫手分享出去，比更加多人知道，立刻停止黑心助養！

1.有貨車運送大量汽水，餅乾物資入馬拉維辦公室
而且經理室內的洗手間，包含花灑沖涼設備，十分奢侈
職員解釋：購買大量汽水及零食，係吸引村民黎聽講座，免費禮物派比佢地
正常一個貧困人士，一日三餐連基本都食唔飽，派汽水零食比佢地有咩用？會食得飽？幫助到d乜野？
而且職員解釋：辦公室內有沖涼設備，係因為職員屋企與辦公地點偏遠，而且長期天氣熱，方便佢地清潔

2.我已知通知香港部門會有批物資，派發比村民，但為何到達當地派發時，會出推撞、打交場面？
事發後，先話列出名單，等村長派發，點解唔一早準備好？
四個月前，已經知道我有大批物資派發，一定夠時間安排如何派發物資，但完全係零安排！
3.夠竟是否有問助養兒童想與我見面？因為全程都無見佢有開心表情(除咗影相)
職員解釋：小朋友第一次見到我，太緊張所以無表情
但平時同小朋友寫信，佢對我既反應係充滿開心
4.當日探訪午餐費用，原來要付當地貨幣，但當初香港職員堅稱一定是付美金，令我個日不夠現金支付
我都多次問香港職員，係咪馬拉維個邊確定係咪付美金就得，香港職員仲話係，已經同個邊確認咗，好明顯香港與當地職員沒有溝通過
5.當地職員聲稱，為咗彌補當日派衫時出現打交不遇快事件，接住兩天，用宣明會車載我去行街，有時間帶我去行街，點解唔載返我入助養兒童條村再同佢相見？
當日見面時間好衝忙，大約到條村半小時就要走
我覺得職員用兩日時間陪我玩樂，並且還用公司車接載我，是十分浪費公帑
當地辦公室職員，只有七至八名員工，兩名職員陪我玩兩日，即係代表當地工作唔忙繁？有多餘時間做無意義既事？
6.助養兒童原來一句英文都唔識，只係識佢地當地語言，我每個月捐既錢唔係話，幫助佢供書教學咩？點解連最基本嘅英文一句都學唔識，原來平時寫信比我既英文，都係假，呃我！
當時返到香港，曾經致電宣明會職員，要求約見高層當面對質，但遭到對方拒絕，只可電話溝通！
#宣明會
#假公濟私
https://www.facebook.com/100000637268222/posts/4087432987954570/?d=n

如果大家有落手落腳做過就明。大家真係唔好用香港辦公室既期望去諗佢地，肯去落後地方做野既人已經少，唔會有咩人材。
但係當地人一見個牙醫，就捉左佢幫佢醫，個牙醫又唔介意，我呢個3流翻譯，就唔好期待有咩專業表現了… 結果我用曬身體語言，幫左個根本唔值得幫既有錢當地人
