你地仔女令你地最激心既一次係做過啲咩？
係床食朱古力，包裝紙掉埋係被入面。
食完飯唔執碗走左去，啲狗走哂上枱食。
Um。。。聽落都好似好小事，係咪我太小氣
我哋二拖三去澳洲旅行,主角8歲,另外兩個9歲同5歲
當日行程係去碼頭等上船坐cruise,check in完我哋响碼頭付近行吓影吓相先上船,點知突然之間唔見咗主角,真係電光火石之間,前一刻仲見住三個小朋友一齊玩緊,環境係離開我哋二十步就係馬路,距離上船碼頭大約2分鐘路程
腦海立即閃出好多好恐怖嘅畫面,如果搵唔到佢,係咪我或者老公是但一個留起度搵,直到搵到為止?或者比拐子佬捉咗去,搵返都斷手斷腳
老公即刻原路返碼頭搵仔,同一時間我拖住另外兩個原地轉不停四圍望,時間就好似過咗半個世紀咁,老公同主角出現响我眼前,原來佢想上船,自己行咗返碼頭
當其時我粒聲都冇出,上到船入咗房立即同主角開拖
爭D想响balcony掟佢落海,事後大仔同我講我拖住嘅時候隻手好似就斷咁
我唸呢單係現時為止最激我心嘅一次
9個讚
今日先發生完。
大既1歲半，細既3個月。
大果個明明好攰又唔肯nap，越攰越發脾氣尖叫。一尖叫細果個就瞓唔到。次次差D瞓著大果個就大叫，尖叫或者搖細果個張high chair。咁我就抱細果個入房瞓，大果個又跟埋入黎嘈，我關門佢就係咁拍門同喊，細果個跟本瞓唔到。到我諗住比大果瞓先，細果個無人陪又開始喊，大果個又瞓唔到。我D！
有時真係湊到好L崩潰。好L想返工。
10個讚
唔好意思笑左
搵條揹帶揹住大嗰個氹得唔得？
好有境像
明既！真係噪架，好合理
大嗰個玩攬炒
我同你兩個小朋友好近，但係女一歲三個月細女兩個月，ftm
好crazy ar
唔得啦，佢唔中意揹帶，就算揹住佢都係會發脾四。
但係鬧完佢又好內疚 
佢又唔識攬炒既，但係會係咁尖叫。
係呀，係另一個post見到你，我都係ftm，你過多兩三個月應該同我差唔多，大果個四圍走捉唔住，細果個又唔係淨係瞓，開始要人同佢玩 不過我大果個係仔又再百厭D。我下半年應該會請工人 
日日催眠自己，一次過辛苦晒佢以後唔洗再煩架喇 
1個讚
我第一個同第二個相差五歲，細未出世，不過估到會幾頭痕，玩唔埋又要輪迴多次，好辛苦。
一次過辛苦哂更好。
1個讚
我冇睇錯
你一年一個？
好有畫面
你無打爆佢已經好克制！
如果响香港發生可能已經爆咗
打到甩皮甩骨,返唔到香港好大獲
我兩個仔唔算小朋友了，現在已經大學了，最激心一次係大仔中四個年母親節。
因為大仔中五升中六暑假要準備DSE ，然後跟住那一年又輪到細仔，之後佢地大學了假期可能就唔會想同我兩老去旅行，想著大仔中四升中五個年的暑假可能係我地兩公婆帶住佢地去的最後一次旅行，再一齊去旅行可能要好多年之後了（可能要同埋佢地女朋友/老婆一齊去個種）。
我plan 得好辛苦，夾哂佢地3仔爺時間（兩個仔學校暑期活動好多），到5月佢地暑期時間表出哂來先定到，同佢地講我個plan ，點知兩個死衰仔母親節前一晚同我講，其實佢地暑期一日都夾唔到出來去旅行，而且佢地D 學校活動好重要唔可以錯過。
當下我有D 崩潰，吓，乜原來兩個仔個心比較我估計的已經更早離開咗我，我堅喊咗一晚，母親節一早一個人出咗街，自己一個去街亂逛去咗一整日。
最後係我老公出手，要兩個仔點都要夾5日出來旅行氹返我
5個讚
完全想像到會有幾傷心
好重要
好彩你老公出手
Haha typo
真係傷心！
不過我都有心理準備，當小朋友十幾歲既時候已經唔想再同爸媽去旅行