我份人勁3分鐘熱度
已經傾好請姐姐
突然去咗呢刻又唔想。
我先講下我點解想請，就係因為同老公小咗二人世界，好多時都要一人睇一個（出街時），搞到我地出街真係好攰， 另外我有做網店不穩收入約500～3000但好多時要照顧仔女好難抽到時間賺更多錢，但基本上屋企清潔我都唔中意人搞
站喺唔同角度，你哋又覺得請唔請好？ 首先要代入我哋唔係啲咩有錢人， 只係要請一定請到咁財政就冇咁鬆動。 老公一個月屋租水電費都萬幾蚊，養車小朋友奶粉屋企日用品所需6～7， 如果請埋工人又多一份錢，你地點睇？ 我又會諗請咗姐姐幫我睇小朋友，萬一我網店 收入唔係增加咁點算？
因為好多時，聽到比較有經驗嘅媽媽都後悔當年冇請工人，當時堅持自己湊，但我就唔知咩原因令到後悔。
可能太辛苦？
或者要放棄事業，之後揾工好難
請工人畢竟係家庭支出，你有無同老公商量下，佢點睇？
係你呢個case，請工人就係可以令你地生活舒服d，你覺得請工人呢筆錢值得去換取舒適嗎？
佢咩都叫我話事
， 我就係唔知呢筆錢值唔值得花費
其實我就未請過，請咗又係咪一定會舒服啲？定係激氣啲？
你可以話事
但佢應該都有自己意見
不妨問下
始終兩公婆依家生活成點，你地最清楚
佢話我舒服就得， 咁我自己當然都會考慮 佢又要洗多筆錢、屋企又要煮多個人等等嘅因素…… 咁老實講個個人都想請十幾個工人
但要衡量。
我就係唔識衡量囉
兩樣都有啦
激氣要靠自己調節心態
舒服就一定係
唔使洗廁所倒垃圾已經減少咗厭惡性工作
每餐飯後又唔使執任何嘢
你地兩公婆又可以2人世界下
For我地一家，每日$150有工人用係好抵嘅
其實激氣唔激氣就看你好唔好彩，無人會知。
不過如果屋企得你1個人湊小朋友，無四大長老，相信係比較辛苦，特別係小朋友大個小小識周圍走，你真係看少1眼都唔得！
你依家只係請一個工人
同請10幾個工人係兩回事
請10幾個工人你屋企都無地方比佢哋瞓啦
我意思話個個都想請工人，但唔係個個都請唔到
呢樣都係要睇你地自己
請工人就真係比錢買自由
首先你預期網店有冇增長？而家增長唔到原因真係因為無時間？例如而家係有客，但覆唔切，做唔切，咁你請工人正常會幫到網店增長。
第二，而家無時間同老公相處大唔大影響？如果大嘅，請真係會有改善，起碼一星期可以同老公出去食個飯。
仲有經濟係咪ok, 如果請左，只係儲少左錢，我覺得都可以請，老實講，到時真係唔夠，搵啲兼職又可以幫補下。
最後，係咪請左真係輕鬆左就睇幾樣野，例如自己要求高唔高？因為你有二個小朋友，清潔，煮飯可能就唔好要求咁高。仲要睇下工人好唔好，呢樣真係睇彩數。仲有小朋友同工人夾唔夾又係好大影響。
我自己就好慶幸請左，真係可以做下自己野，想抖又可以出街抖下，而家都好習慣有工人係屋企。
請咗有冇啲唔好處？
ic
但好似有d人係好介意屋企有外人，所以唔肯請
我同老公婚後佢都唔想屋企有外人，所以清潔基本上係佢做，到有咗小朋友之後先真係無辦法唔請工人，佢先肯踏出第一步
學你話齋，支出一定大咗
同埋工人可能會令你好激氣（無得避免）
但我自己衡量就係就算係激氣，我都係會請工人，我前後total請過三個工人，第一個做3年（我裸炒），第二個做1.5年（我裸炒），第三個啱啱做無幾耐
你地而加雙職？ 我預期請咗工人姐姐帶佢一段時間我就點都要工作再加網店， 因為我好怕用多咗老公錢（個心唔舒服）， 其實我都好羨慕有啲人可以我姐姐一齊在家照顧小朋友， 我同老公傾：佢預期都唔想我出去做嘢但我心態覺得屋企少咗分錢囉
有冇入facebook工人群組？
老公都咁講，唔駛諗咁多啦，湊到個仔聽教聽話都好大功勞嫁，請左返黎，你可以留係屋企睇住先仲好，起碼工人唔會覺得你地無左佢唔得，做順左再諗做野都ok
唔係，一路係FTM
我請工人係做粗重工作，小朋友基本上係我同老公一手一腳自己湊大，工人幫手睇頭睇尾
以我屋企嚟講，工人純粹係幫輕我地，請佢無任何經濟效益，只係一項支出，因為我點都唔會出去賺錢
不過我同老公商量之後最怕就係而家好多姐姐都玩嘢，呢啲都係睇彩數…… 我老公啲兄弟姊妹請親嗰啲姐姐都好好嘅