高齡，想生第二胎，因為第一胎係用排卵紙計時間開工中嘅，所以今次都用排卵紙計時間。
想有第一胎時，全屋得兩個人，想幾時開工都得，依家和小朋友同房，要等小朋友瞓咗先可以開工。
問題嚟啦，小朋友因為武漢肺炎，無學返無街出，放電不足所以好夜先瞓著(過午夜12點)，我和老公瞓覺時間唔配合，佢要早睡早起返工，仲早過小朋友瞓著 (我唔明點解咁嘈，老公都可以照瞓著…)，等到小朋友瞓著，老公已沉睡；佢試過頂眼瞓但每次都失敗，永遠午夜12點前已瞓著。我諗住自己瞓少啲，想試早上做，佢又話趕住返工唔夠時間，結果只有weekend 可開工，但排卵期唔可能次次係weekend 
佢話去Staycation, 咁唔通個個月去3次酒店咩 (婦產科醫生話，排卵期嗰個星期，最好隔日開工)，那有錢
土地問題，純呻
有冇可能佢唔想生第二個？
唔係，佢好想生的，只係佢真係好需要睡眠…
同埋典型男人問題，唔鍾意計住時間咁開工，但佢明白的，想生第一胎時都好配合。
首先訓練小朋友早睡早起。
可以去staycation 咁小朋友有其他人可以照顧? 如果係你地留番喺屋企就得?
之前可以正常返學時，小朋友會早睡的，但依家小朋友放電不足
有工人，但無錢成日去staycation 啦
你不如買啲大玩具eg彈床，可摺滑梯俾小朋友在家放電
多謝建議，但依家嘅屋企無位，遲啲搬咗可以諗諗
咁中間要畀多d事佢放下電。
叫佢抺下地，開youtube畀佢跳下舞。
同小朋友做下可以室內做嘅小運動
我朝早上堂前都同小朋友做「蹲下起身」、下午做完功課又做下、加加埋埋都有一百下、或者練下一字馬。學樓上講做家務都好。
睡覺時間、試下十點有全家熄燈、再慢慢較早啲、九點九、九點半熄。
之前我仔都夜訓、我夠膽死八點半就熄燈同佢駁鬥到十點幾、呢傢九點前一定訓咗。
天時地利都有得就，我覺得最難係預約開工，有時真係會"做唔到"…
係，可惜備孕係科學，排卵期可以用科學方法預測=要預約開工，先會增加成功率。