人在外國 溝通得唔多好
今日9 week第一次照超聲波
醫生剩係同我講個sac 岩數係9 weeks 但冇心跳應該流產左
我想問會唔會個胎一早停冇心跳但sac 會繼續大？
定係sac 9週大姐係bb 都係9 週大但特然冇心跳 ?
我諗緊關唔關我早幾日喊左一場事。。。
我當年都係咁，仲流啡，不過唔記得幾多週，公立叫我做流產，我冇理佢，後尾就有返心跳，一切正常。
2個讚
Um…有冇試吓睇多個醫生？
有聽過話有啲情況係比較遲先聽到，不過週數真係唔肯定！
如果係第一次照，不妨去多個醫生睇下？有冇機會帶一個朋友/家人一齊幫手聽清楚醫生解釋。
祝福你
有無閃？
好彩你無聽醫生講咋，果陣你諗住比個機會佢先？
太多年前，其實唔係好記得點解冇聽佢講了
胎停育的話，好似孕囊是唔再大，會唔會問多個醫生意見先？
你個sac有冇大過2cm.我記得果個婦科話其實大過2cm都冇閃就係個胎唔得。
有yolk sac ，但有冇fetus/embryo?
會唔會check 埋hCG level?
如果冇，真係要最大心理準備
如果有fetus, 只係未有心跳，比多1-2 星期最後努力
保重
醫生冇講實數幾大
佢剩係話sac 依家係9 weeks 2 days
其實我都幾肯定自己係9 week 幾
理性我都知依家應該一定要有心跳
我只係奇怪個sac 都9 week 幾岩數
唔通真係我照前一兩日喊一喊就冇左
不過我都會再等等先take action
唔好介意我直接，希望唔好太難過，要有心理準備作最壞打算。
我都過來人，仲要唔係一次，所以絕對明白感受。
正常Fetus 6wks 已經建立心跳、有啲人可能要7-8wks。
所以個fetus CRL 已經8wks 以上，都未見心跳，的確唔樂觀。
你有冇出血問題？冇、又想作最後衝刺.衝刺…
1wk 後去第二個醫生再照。
我都住外地，明白唔係咁易，但… 比自己一個最後答案
其實我都半年內第二次
今次未去到超唔開心 只係好失望
本身以為自己之前坐完小月預備得好好
今次之後真係要抖下先
我冇出血問題呀
family doctor refer 左我去醫院做followup
依家等醫院call 我再睇下佢點會點處理先
1個讚
我係超高齡42、前年化學1 次、小產1 次、之後引產1 次。
而家… 20 wk 都未敢樂觀。
所以養好身、心，平常心去面對
4個讚
辛苦晒你
講真我早期d 都咁傷心
bb 再大d 要引產既真係好難過
祝福你
bb 一定會肥肥白白足月出世！
1個讚
大家加油
希望永遠都會存在
2個讚
情緒的確對懷孕有影響，但你只係「喊一喊」，又唔係嚴重抑鬱或其他嚴重疾病。
早期懷孕係視乎個胎自己嘅問題，即係嗰粒卵、精嘅dna，佢仲自己細胞分裂緊，未吸你嘅營養。
3個讚
我上網check sac 如果9week size應該真係大於2cm.不過我之前係香港係會再搵個醫生check多次。不過當然個結果係一樣。
我自己係試過"幾"次既過來人。我只可以話如果身體可以。其實2次m後都可以再試。不用信什麼隔半年。不過我當時係有做多啲運動。又做下浸腳食中藥之類。
我自己2個小朋友都係之前試過2or 3次都係好早期就流佐或要手術藥流自然流乜都試過。
1個讚
無論邊個時間。我覺得都好傷心。不過我有啲朋友都試過同樣經歷。我只可以話只有試過既媽媽先經歷果種難過。我有同大果個講佢曾經有個哥哥或姐姐的。因為我雖然冇曾見過心跳。但我也永遠覺得佢係我既寶貝。不過我記得果時有個醫生朋友鼓勵我。話子宮係fresh既。所以再受孕既機會係會大好多。
1個讚