我3月頭預產期, 而家暫時知道有返陪產… 但老公需要有3日內既檢測報告先可以陪產. 打過去產房問佢就話要不停咁做檢測KEEP 住有3日內報告係手. 健康院姑娘就話搵D 即日有結果, 我入院就即刻叫老公去做… 希望趕到陪產. 但我睇過即日既都可能要5-6個鐘先有結果. 如果我係呢個時間內生左… 咁咪又係白做. 點解想陪產都困難既… 大家可以比D 意見睇下可以點做嗎? 多謝晒!!
媽媽GROUP既媽媽都係話老公隔日做檢測咋… 都無辨法
不過如果早產唔知可以會唔會有酌情處理~
都係一個辨法，依個時勢無計啦。入邊咁多大肚婆，病人，醫護，嚴謹d都好嘅
唉。。。 有d 無奈！
唯有咁啦。。。
其實⋯⋯冇陪產又話冇，有既時候又話麻煩，公立包生仔都係3百零蚊出院，由37W開始隔日檢，養和即日 report $810/次，total咪檢果10零次，一萬蚊都唔洗，好過因為無陪產要去私家啦，講緊私家唔用無痛順產都至少要6、7萬啦！
1個讚
除非好好生養，如果第一胎開始有少少痛就去驗，5，6個鐘正常未生得
1個讚
同意，其實要檢測先比陪產，都係想保障產婦、bb同醫護人員，真係好想陪產咪去私家生/密密做社區檢測/私家即日檢測囉。呢個時勢都冇計，公立有得陪就當bonus，疫情關係，陪產都可以話停就停，預咗冇得陪先啦～
其實老公隔日交樣本(免費驗嗰隻)就可以陪算唔錯
反而係有媽媽生得快手
自己入院後做嘅test未有結果就生咗
咁樣都冇得陪
要2個都有negative results先可以陪產
所以平常心啦
1個讚
雖然年中先生～ 不過都預左無得陪～ 到時唔會太失望
我2月中預產期，琴日朝頭早11點幾幫老公交口水（免費嗰隻），今日晏晝四點幾就收到結果，不過得SMS ，冇名，身分證都只係顯示連埋英文字頭四個。我見佢都算快，就諗住隔2～3日做一次。
唔知瑪嘉烈收唔收SMS既報告呢？我都係瑪嘉烈生啊
唔係間間接受﹐自己打去問問好D
我覺得保障大家係唔應該接受，無名喎！同埋其實點解要用公家荷包找你陪產條數？政府收費果隻都係2百幾蚊，唉⋯⋯
1個讚
有啲人可能係經濟困難，但好多人係諗縮數
以我所知唔係個個都有，有D人就係度縮。