3歲小朋友，半年前開始乾咳，最初以為傷風感冒，睇左幾次醫生，食左兩個月西藥都唔好。後來變左淨係瞓覺夜咳，晚晚都咳醒幾次，有時仲咳到成餐晚飯嘔出黎，唔咳嗰陣又會有好大鼻鼾聲/呼吸聲，好似透唔到氣咁。已經睇左幾個醫生，有醫生話係睡眠窒息症，有醫生話可能哮喘，但因為小朋友太細所以冇得check。最近一次，醫生開左抗敏藥&哮喘病人用的噴藥(應該係氣管擴張藥)，用左兩星期都冇改善。
呢半年中西醫都睇過，又有煲好多止咳潤肺湯俾小朋友飲，武肺都驗過N次，都搵唔到病因又無好轉，真係好擔心。我哋而家晚晚都唔敢俾小朋友自己瞓，一定要佢瞓喺我哋房，方便隨時噴藥&留意小朋友情況。
有冇媽媽有類似經驗可以分享下? 或者有冇呢方面嘅西醫/ 中醫介紹?
你意思係咪醫生開咗藍色蓋俾小朋友用？用咗半夜都咳？咁平時呼吸有冇he he聲同咳呀？
佢有冇鼻敏感鼻塞呀？會唔會係鼻水倒流引致咳呀？
係呀，醫生開左藍色蓋俾小朋友噴，噴左瞓覺都係不停咳。平時都有一兩聲乾咳，但冇瞓覺咳得咁嚴重。去公園玩一陣會喘氣，但又唔係哮喘嗰啲 he he扯哮聲，似正常人做完運動啲喘氣聲。
佢有鼻塞，但我搵電筒照佢個鼻又睇唔到有鼻屎/鼻涕，食左抗敏藥都係會塞。
試吓日日洗床單 枕袋，同用熨斗熨下，用高溫殺下塵蟎， 睇下會唔會好d
1個讚
有無煲過鱷魚肉湯？可以係官燕棧買2包試下煲，因為鱷魚肉湯醫氣管真係好快。同埋屋企有無空氣清新機同吸塵蟎？睇下又會唔會好d
1個讚
我仔間唔都都會乾咳、冬天我喺佢房放空氣清新機加放濕機、如果驚太濕、日頭會拎抽濕機入佢房開半日。
轉季日子會煲鱷魚肉湯
1個讚
我小朋友都有咁嘅情況、醫生話係氣管敏感、咳一發就搞成個月…
不過佢就冇鼻塞
1個讚
聽你咁講唔似哮喘，似敏感咳，如果你話有鼻塞，可能係鼻水倒流引致咳，電筒照入鼻舊肉有冇好紅同脹呀？
1個讚
好，等我試下先。小朋友房有好多毛公仔，佢慣左要攬住公仔先瞓得著，毛公仔係咪都會有塵蟎?
鱷魚肉未試過，等我試下先。空氣清新機晚晚都有開住瞓，但都咳唔停。可能真係要試埋吸塵蟎機。
放濕機我都試過，開到牆身都有水氣，但好似都冇乜用。等我試下鱷魚肉湯先。咁你小朋友係咪每次轉季都係咁?
又唔覺有特別脹&紅。希望唔係哮喘啦，哮喘手尾好長
似氣管弱，可以考慮下中醫，我女兩三歲都是瞓低就咳，我去左睇中醫，有效，用啲中藥粉沖水
長遠來講要注意條頸保暖，可以考慮學游水，冬天都繼續游
天氣乾燥就可以沖蜜糖飲，記得唔好用金屬匙接觸蜜糖，用塑膠或木既
俾心機，氣管有機會大大下改善到
1個讚
似係塵蟎引致敏感，試下係呢方面著手
1個讚
譚一翔，不過你要預2k+ 睇一次！
1個讚
我女K1試過咳左2個月，又係夜晚咳咳到瞓唔到覺醫生話瞓低鼻水倒流所以夜晚咳又話氣管敏感咳，中西醫都攪唔掂，無意中上網睇到關於鼻竇炎，我跟佢指示做用2隻手指㩒亞女2邊鼻翼佢話痛，用手指㩒佢眉心又話痛中晒鼻竇炎症狀，跟住再睇醫生醫生即刻寫紙去照x光，結果個鼻有白色影含曬膿真係鼻竇炎，嗰次要食2星期抗生素先好返，你試下㩒下佢鼻翼，眉心
2個讚
會唔會係鼻水倒流敏感咳？我女試過，可以咳到醒左瞓唔返
同佢著高領衫瞓，唔好凍到吹到頸個位，戒凍飲
睇下有無幫助
1個讚
係呀、熱轉凍、凍轉熱都會
佢呢傢七歲半、已經比細個果陣好咗
天氣凍果陣要注意頸保暖、唔好凍親。
1個讚
呢半年睇咁多次中西醫、煲咁多湯水、又空氣清新機、又放濕機…反正已經洗左唔少錢，都唔差在試多個口碑好嘅醫生。
唔該晒你
，等小朋友食完手頭上嘅藥，會book去睇下。