其實有幾多jm有咁計劃？
有d直情過咗去
中產，或者去過外國留學，應該好多唔洗點諗即刻閃人。3月後應該係高峰~
身邊幾乎每個人都想走，特別有細路既。但走得郁既人暫時唔多，主要係中高產人士。有人送走左有bno仔女，兩老留香港支援佢地。 。。
2個朋友一家已經到左英國，有1家1月走，又1個已經批左澳洲救生艇計劃，2月過年一家出發，樓都賣埋。仲1個忽然全家去左加拿大，本來話等細路升中先走，忽然就走左。。。5家朋友都係專業人士，都係彈藥充足。
大家都好驚，鳥獸散。好似金正恩準備接收香港咁。。
11個讚
bno visa未出，有d一日未走都未必講
身邊只識一個朋友近日成功賣樓準備去，其他就無咩動靜，有個最近仲係外國回流左返香港，諗住買樓 
我圈子唔大，但都已經有8-9 個家庭走咗/準備走
2個讚
都幾多
1個讚
我同歲或差不多既朋友基本上都有讀過大學，未婚多，無人走，有親戚話走去英國，但好不情不願咁樣 
我同齡嘅大部份都結左婚，有幼兒/打算生/未生，落實會走（有日子）暫時1個，有計劃嘅都係5個以內，不過好多人未到最後一刻都唔會講出嚟
我個邊, 有小朋友個d, 好少會講實唔走, 但又唔見有人已經走左.
我諗佢地都係觀望或者諗送小朋友走, 自己留返係到
1個讚
身邊一半有小朋友, 一半就單身
有小朋友既全部都話走
單身既就1-2成會走
識兩醫生家庭都走咗去澳洲。
有朋友走左, 但多數都話「去到未必搵到野做, 所以未有決定」, 但我相信未到真係走個刻都唔會出聲, 始終期間太多野要搞, 亦都有變數, 無必要畀人成日問住幾時走.
5個讚
對至親交代就夠
我都覺得係，好多人想走但唔敢講，驚走唔到
有趣！咩年紀同背景？有年特別原因要回流？
我小朋友個同學一家連老人家十月已走左去英國。
其他朋友既朋友都聽幾單，quit左份工準備走咁樣。
而家D人唔會周圍講，都係靜靜雞，太多變數。
3個讚
佢哋係咪本身都有外國護照？
應該有一班能力一般想走但怕搵唔到野做，所以等緊英國疫情好d經濟有起色先過去
2個讚
佢哋本身係咪英藉？