BB 4個幾月
啱啱滿月開始戒咗夜奶
食完9點幾嗰餐幫佢包包巾洗口搽cream入房熄晒燈
同佢講叫佢自己瞓，佢會笑笑然後自己瞓，瞓到第二朝5、6點
兩個幾三個月大嗰陣時唔得，以上儀式加咗音樂就瞓到，又係自己瞓嘅，不過係轉左用睡袋
到四個月開始，佢識嘅技能越嚟越多
做晒以上嘅嘢都係唔瞓，玩手玩腳玩轉身玩紗巾玩睡袋，而且唔鍾意人哋扎手，一定要兩隻手都free晒，瘋狂反身，然後要因為反唔返轉頭爆喊，氹返佢，佢又反過或者轉玩手玩腳等等
晚晚搞足兩三個鐘都唔瞓
已經一見佢有眼瞓樣（捽眼呆滯）就提早做瞓覺儀式俾佢瞓，但結果都係俾佢自己玩自己玩到爆攰發爛渣
有冇咩好提議可以點樣搞好啲佢啲瞓覺？
佢平時日頭已經瞓唔多（一次半次晏覺，每次一個鐘左右），係靠佢夜晚瞓多啲補數⋯⋯
訓覺前會飲多次奶先? 大左有機會未夠飽，有無試過比佢飲多少少奶?
不嬲瞓前都係奶粉放題，飲到推開唔飲
呢段時間係bb嘅探索期，佢哋手腳開始能自由控制，對自己及周圍事物好奇。
Bb 休息有樣野叫 sleep regression 睡眠倒退, 無啦啦會訓得唔好… 生理上正常現象, 4個月時候都普遍, 可以 google 了解下 (另外8個月, 15-18個月都大可能)
我仔嗰時都超級唔中意包手, 可以試吓呢款睡袋… 用左之後大家有覺好訓
我囝果時識反身都有睡眠倒退, 當佢反身趴時我會抱起佢氹一氹再放下, 話佢知而家要瞓覺唔玩住喇, 但都要搏鬥一段時間佢先有多啲睡意唔再反身…
可能喺佢瞓的時間前俾佢放多啲電, 等佢真係瞓時會攰啲唔會再係咁玩
我bb 四個幾月都係甘 ,
之前可以自己訓
而家要啜住蓮蓮訓，自己在床/bb 車只可能維持10 分鐘 之後就會爆喊
我嗰個晏晝都係咁 
所以我哋先緊張夜晚嗰覺
以前瞓醒佢會開心笑架⋯⋯
bb唔同階段都會出現呢個現象，佢發現自己識新技能會想練習多d，樣樣都新奇，到佢反到夠就唔會再咁，下一次就係企，再下一次就係行。但係要留意佢識反身就最好唔好包實佢，咪佢會有時反反下卡住危險。
Agree could be sleep regression and/or leap
4個月要開始停扎手… 我哋試緊zipadeezip
同埋1個nap應該太少… 4個月應該仲要3-4naps 應該overtired?
聽講日頭同佢哋練習多啲新技能夜晚就less likely技癢
係？
試下先
我果個而家8個月
同你囝一模一樣，明明已經瞇哂眼
但郁一郁就反左身想爬
氹完放低一陣再黎過
變相要抱到熟睡先放得低
