BB四個月，兩公婆都返工，日頭奶奶工人幫手湊。呢排覺得BB成日對住奶奶笑，有幾日我同老公如常夜晚最後餐奶餵BB，之後唔瞓，仲爆喊，堅持安撫好耐都搞唔掂。奶奶一抱靜下來。個畫面真係令人好心碎🥲我知道係因為平日要返工比較少對住BB，自然唔係最痴我。點釋懷🥲好怕BB唔跟我🥲
1個讚
放工多啲同佢玩補償返啦！
至少知道奶奶照顧得啊b好好，應該安心
為咗啊b既生活，辛苦晒working mum
3個讚
我開頭都會怕奶奶搶走個BB咁，一返工就好唔捨得。不過小朋友係識分父母架，我同BB出去玩，佢一跌親就會跑去媽媽度先，有咩野都一定係媽媽先。
可能係你奶奶抱得多啲所以佢覺得舒服務，呢樣野可能你奶奶都要用返咁上下時間先摸索到出來架。唔洗諗埋一邊嘅，係技巧來架姐。你放工同BB相處時真心對佢，玩得開心啲，佢會感受到架。
2個讚
我都經歷過，我嗰陣阿仔痴既仲要係工人。一歲前係較痴照顧者，到大啲返學又唔同哂，知爸媽會帶佢四圍去
返工係為左阿b將來，阿b大啲一定感受到你既付出，努力呀媽媽！
3個讚
我女3，4個月時都試過，我當時都好心酸。但大大下佢又會自動親返我。
小朋友好醒，就算再親都知果個係工人嫲嫲，佢會自主親返爸爸媽媽架。
1個讚
我嗰時都經歷過，bb 大啲就痴返我，多啲陪佢就ok 嫁喇
加油呀媽媽
你返工係為咗令bb 有更好嘅生活, 好偉大
要去返工呢個事實可能改變唔到, 不如唔好focus 咁多, 以免困住自己係呢個負面情緒度
同bb 相處嘅時間重質不重量, 佢會感受得到你嘅愛. 每次同你相處都玩得開心, 自然會好親近你
我自己都係working mom，但我一直都堅持每日放工都抱多D BB，星期六日都陪住BB，到BB識行識走都要繼續抱抱攬攬BB，到BB大個D你就知自己一直以來對BB嘅愛係會有回報。我仔已經3歲每日放工回到家佢都會攬住我話佢好掛住我，真係好sweet架。
1個讚
我都係咁，日頭奶奶湊，收工同放假就自己湊，啊女最痴嫲嫲，跟住係我，最唔痴爸爸，不過為左啊女嘅生活質素，惟有勤力返工，一開頭見到啊女淨係要嫲嫲，我會唔開心，不過習慣咗就ok，大大下就好好多
大到幾多先至習慣
🥲遲下認人期情況可能更誇🥲🥲
小朋友有老人家鍚係福氣，畢竟都係一家人，如果bb係痴工人我就真係會覺得心酸！
正面諗，證明你奶奶真係幫到手，好多奶奶幫唔到手又麻煩㗎
餵母乳唔知有冇影響，呀仔認得我先可以啜啜
不過各位媽媽都話，唯有收工同放假痴足bb，佢哋會感受到。好似自己細個都係婆婆湊，但都會好掛住媽咪。
1 歲前有咁嘅狀況係好正常，小朋友未咁識得分「親疏」，邊個係主要照顧者就痴邊個，呢個係生理依賴。但小朋友之後會有心理依賴，呢種感覺唔係「我最多時間照顧你」就可以有。就好似唔少爸爸都唔係參與親子時間，但好多小朋友見到爸爸一放工就衝埋去，又攬又愛心頭鎚。佢哋相處就係 quality 勝於 quantity。
換個角度諗，阿 B 有多一個人愛錫照顧，係難得嘅福氣，唔係個個 B 都可以有 6299 湊。
我諗起以前我自己先煩，個個都唔痴，只痴家庭主婦媽媽，阿爸幾花時間照顧我都唔肯畀抱，喊到阿媽抱為止。後來識行識講野，就乜野都搵阿爸，阿媽就好慘咁樣畀我過橋抽板。
所以放鬆啲，每次同阿 B 玩嗰陣都全情投入，要坐地、攬住玩。人心肉造，小朋友係感覺到你嘅愛嘅！
3個讚
你奶奶湊得咁好, 你執到寶!!!
我認識的朋友, 奶奶都係搞亂擋, 玩下bb , 搞喊左bb 就拍拍蘿柚走左去.
你working mum, 賺多啲錢, bb 將來可以讀好啲學校, 多啲資源, 對bb 係最好.
你有返工, 有錢請工人, 有返些少自我空間, 其實對你係最好.
你只不過係幻想做ftm, bb 會對住你笑. 到你真係做ftm, 就會好似bd / 亡國其他post 咁, 又困身, 如果冇工人, 做到死. 到時就唔理得bb 喊定笑.
2個讚
其實佢識行識走，比較著重玩就會好啲，我女細個半夜喊都一定要工人，而家日日i love you mummy, 有時唔要工人，所以唔駛咁傷心呀，小朋友一定認到媽媽
我女現家先1歲半，情況已經好左好多，當然平日放假我全日自己湊返嘅，小朋友知道親疏㗎，真係唔駛太擔心，我都經歷過你現家呢個階段，復工頭一個月，真係會好不捨，我當時收工日日飛的返屋企啊
曾經都係Working mum，堅持放工、放假自己照顧，最痴係我。
我都係working mum,bb5個月，婆婆湊，有時見bb同婆婆玩到kaka聲笑，但我同佢玩又冇咁大反應，都會呷婆婆醋，好驚bb唔痴自己。不過睇完咁多分享話bb大個啲就會痴返媽媽，好期待呢日！大家working mum加油呀
加油呀媽媽
最緊要奶奶唔好當左BB係呀仔
同埋唔好24小時抱住
放工陪佢多D，BB會知既