有日發現BB冇乜胎動，上到產房檢查，醫生證實BB心跳已停，我啲眼淚停唔到，好崩潰，不停諗點解會發生喺我身上？我做錯咗啲乜搞到BB冇左？本身好期待阿囝嘅來臨，而家乜都冇，只有心痛心碎…
經歷完十級痛順產生阿囝出嚟，肚空了，心也碎了。隔離產房出世的BB喊聲傳入我耳中，心更痛…心諗點解嗰個唔可以係我個囝…
日喊夜喊，眼淚都唔識停，完全不受控制，好似發左場夢咁，好掛住阿囝，我都唔知可以點樣捱過…明明所有產檢、照結構都正常，但點解會發生喺我身上？ 
2個讚
你無任何錯，要好好休養，比自己忙d吧悲傷係可以隨時間沖淡的。
2個讚
好好休息 想喊就盡情喊唔好屈住
可能今次bb未準備好 唔係你錯亦唔係任何人既錯 下次bb會健健康康再黎
6個讚
好心痛。。
你要振作，好好休養，恢復好身子
想喊就喊，唔好自己屈住
希望你可以走出傷痛，相信健康嘅寶寶會再返黎
2個讚
傷心就哭吧，天上既小天使鍾意開心既媽媽，到你收拾心情ready後就會黎搵你。
其實懷孕係有好多突發情況，唔關你事既。
3個讚
好好休養身體，小天使會再返來的。
1個讚
好好休息，你冇做錯任何野
唔好怪自己。 想喊就發洩出嚟，唔好忍。
如果需要幫忙，我見有個Facebook Group係for你呢一種情況: Stillbirth 媽媽一起走。
1個讚
Sorry for your lost
你呢個情況都要坐月，休養身體再打算！
傷心係一定，但唔只係你傷心，家人都一樣！
希望你同你先生可以講出大家心聲，唔好屈埋，好好傾一次，舒發哂啲感受，慢慢適懷
祝福你
先休息下
1個讚
替你難過
你冇做錯任何事情
依家最緊要係休養身體
加油
支持你
1個讚
要加油 養好身子先
1個讚
唔係你問題！只係BB 想用一個最好的姿態見你、BB準備好會再來搵你架
1個讚
唔係你既錯，只係bb同你爭少少緣份好好休養，顧好自己身體
2個讚
成個孕期好多事會發生，亦唔係所有事可以解釋，只可以話緣份未到不能強求，你唔需要怪責自己。
好好保重，自己健康先可以等待BB下次來臨。
1個讚
傷心要喊出黎, 同老公傾, 佢都一定好傷心, 仲好擔心你情況, 試下大家一齊喊一陣, 互相支持。。。 你要好好坐小月子, 養好身體, 為再次懷孕做準備!
我第二次懷孕時, BB 都唔可以順利黎到人間, 個種心痛比肉體上既痛苦更難忘記, 雖然我地緣份唔足夠去相處, 但佢永遠都係我地屋企一份子, 所以我地有為佢改名, 我有一年時間盡量食素去為佢積福。。。
3個讚
好好休息再黎過 加油
1個讚
保重！
1個讚
不是你的錯，可能小天使知自己未 ready, 所以先行離開，下次就會健健康康返黎搵你。盡情喊喇，要坐好月，有健康既身體，BB就會再次返黎搵你。加油
1個讚
盡情發洩你嘅情緒，放聲大喊唔使理人點睇
令你覺得你舒服同減壓嘅嘢就去做
知道你好難過好難受，好好保重，痛苦嘅時間會過去的
1個讚
心情唔好就喊出黎, 或者搵人傾訴
唔需要強忍迫自己無事, 照顧好自己情緒及身體
請保重, BB必定會再返黎 加油
1個讚
媽媽冇錯，懷孕好多嘢都醫學解釋唔到
1個讚