好擔心
BB(奶粉B)頭一個月完全冇嘔奶嘅問題，食得瞓得。
滿左月一個星期，慢慢開始食到成口奶(冇轉過奶樽)又漏奶又瀆親咁。
尋日食完奶個幾鐘後將佢放落床，佢仲嘔左豆腐渣奶一次。
過多兩個鐘同佢沖完涼，餵佢食奶食食下佢一chok,噴哂啲奶出嚟嗰到差不多一安有多…
有冇媽媽有類似經驗啊
Um…得閒都拍下佢（掃風動作唔怕多做）
可能有時未掃得哂！
係咪食得急？要夾硬拎出黎，hold一hold(幾秒咁上下）再比佢繼續！
1個讚
係架佢係食得急，但由出世到而家都係咁急，都有抆出嚟逼佢停下同密啲掃風
諗起啲豆腐渣就好不安，好驚係嗰個幽門狹窄問題
如果再去咁就帶佢睇醫生
加油，再擔心既都係睇醫生安全
同埋如果你怕放低佢仲會嘔奶，最好就打側佢訓！前後用卷起既毛巾「夾」住佢，要低過膊頭（就唔怕佢郁既時候會cover到面仔）
你有冇baby rocker或者可以較低嘅high chair ？
我個BB都好易嘔奶，通常佢食完放佢喺rocker上邊俾佢消化下先瞓低，好好多
我bb以前間中都會嘔豆腐渣奶
唔係好頻密都唔洗太擔心，再觀察吓，成日都係咁就要睇醫生啦
呢個側瞓方法好好
多謝你意見
有high chair呀不過佢人仔太細，放到佢170度咁咋
如果一日有一次嘅話算唔算好密呀？
呢兩日先開始有，我都唔知點去衡量好
如果係我會睇多幾日
或者你可以下次返健康院打針時問吓姑娘
1個讚
我仔由出世嘔到而家三個月都仲嘔緊 
之前問過健康院佢地話嘔奶係無問題
係大人先有問題 
（因為要不停換衫洗紗巾）
1個讚
偶然一次半次，唔洗咁擔心
奶接觸到胃酸就會出現咁樣情況
記低次數，睇下有無多到
有時bb 大左、郁動多左、喊多左，都會易嘔返啲奶出嚟
1個讚
一日一次應該唔算多，我記得自己嗰個日日都會唔。
我識有個b 餐餐嘔，噴泉式幾安咁嘔哂出嚟，佢阿媽已經慣哂。
1個讚
我個b都係第一個月乜事都冇，第二個月就每日嘔一至兩次奶，不過第三個月就冇事。
1個讚