私家做真係check好多嘢，公院做放咗入去，話見紅就入急症，有就有冇就冇，佛系的。
不過問過醫生朋友話三個月前真係無乜辦法可以去保胎，最多瞓床休息
我好感恩喺私家做一次就成功
除左好有運氣
感覺到醫生、胚胎專家技術同藥物都好大幫助
不過私家真係要用好多錢
呢個壓力唔係人人負擔到
我都差不多all in咁濟
不過錢可以再搵過
仔真係要趁嫩生
恭喜樓主一次IVF就成功,
出面既負面新聞唔好睇太多住, 要先養好自己身體BB先會健康成長呀,
有黃色媽媽支持, 第日BB長大先會有條正直既路成長^^
睇完你Post既IVF過程完全感受到過程既辛苦
由打針做手術抽血放胎到懷孕真係每個過程都唔易過, 由其心理同等待果一刻, 明白的
^^祝媽媽同BB都身體健康快樂成長
1個讚
多謝你追哂post
等我又update下我而家嘅情況
今日已經就快36週
上星期去政府照超聲波
胎盤前置0.7cm
連鼓勵順產嘅政府醫生都話根據佢地經驗
我呢種情況去到37週都唔會再升番上去
所以下星期再去照多次超聲波就應該會俾個開刀期我
都好嘅
因為之前都有講過老公怕血唔想陪產
但佢知道而家醫院仲係嚴重級別冇得同阿B影出世第一張全家福佢好失望（後知後覺 
）
已經連續4日零確診
不過要醫院開放番探訪都應該仲要一段時間
都係見步行步！
1個讚
我同你一樣呢段時間ivf
其實去放胎時9月
我真係問過老公好似香港好冇希望咁
定遲下先放胎
但最後決定繼續放胎
果日打中大
我放左工番到屋企就坐係度狂喊
我仲要識人係中大宿生
超擔心又冇野做到
之後又周圍亂放tg要努力避
有次我出左街，就係樓下放左
果下好想喊…諗緊點走點避
跟手疫情喇
我仲要高危地方工作，冇得wfh
只有盡力保護自己
洗手洗到爛
我同你週數都差不多
原本預產期5月尾
但我個b唔轉頭
公立醫生講左開刀喇
等下星期做多次胎心test
跟手見晒醫生講我知點開刀
雖然我原本好想順產
但bb決定要開刀
可能佢唔想我陣痛啦
仲有家下要戴住口罩又冇老公陪產下生
可能開刀未必壞事
咁就為開刀有多一手準備啦
亂世下佢地仲堅持做我地寶寶
亂世下的寶寶係強嘅
亂世下的媽媽會更強呀
所以唔好擔心咁多
等佢地出黎一齊打大佬啦
保守有良知的一代
3個讚
中大果晚我都訓唔著
（屋企人出左去送物資之後番唔到黎）
我好彩少少
公司俾我wfh到產假
不過唔代表喺屋企冇野做
而家公司玩緊救亡大行動
玩屎我地啲做細嘅
我同你連開刀時間都差唔多喎！
一齊加油啦
好呀
一齊加油呀
一切順利平安健康
卸貨之後再交流下
八卦想知ivf邊度做？洗左幾$？
我喺仁安做
短方案
用左11萬
我係台灣
大約飛左5次
只計診金，藥費及手術費用
港幣5萬有找
樓主恭喜你，BB就快出世陪你了
1個讚
點解試左一年就決定ivf呀？
你仲咁後生
唔睇下中醫調理左先？
不過你好勁
捱左咁多關
6月至11月真係好難過
好抵呀。
希望你地bb平安順利出世，健健康康。
1個讚
好平
但係咪要拎好多假飛過去
我本來都有諗過
但要飛來飛去好大壓力
你好勁
我24歲已經有朱古力瘤
28歲同30歲切左兩次朱古力瘤
卵巢功能所剩無幾
所以試兩年半唔想再等政府個期
去到私家好多couple望住我地兩公婆
可能心諗咁後生都要黎做IVF
就係知比香港化算
又成功率比較高
所以先飛過去做
其實當好似去玩2日1夜咁
都唔太大壓力呀
係有2次即日來回
咪過去見完醫生就去食下野
買少少野就番香港咁
快閃遊咁
每次諗定晒想食咩同買咩
其實咁樣一日遊都幾高興
另外好彩我份工唔算太難請假
總之唔同其他同事撞假
佢都會俾你放假
因為始終要見完醫生先確定到邊日再回診
如果請假好多規矩呢，就會麻煩少少
老公係咪淨係頭一次同抽卵日要去？
我易攞假但佢難攞
心思思想生多個
（而家呢件都未出黎
）
不過陀得咁辛苦真係要諗清楚
除左反修例同肺炎
另一樣困擾我嘅係我嘔到32週同日日都胃痛
以前我係一個美食家
而家餐餐食一半就飽到胃痛
主要真係第一次同抽卵果次一定要去
因為第一次會抽埋佢血驗有冇咩病先
有愛滋唔會幫你做嘛
咁抽卵果日要佢俾埋精
所以一定要去
其實我都嘔到懷疑人生
不過我好彩少少
嘔到16週左右冇開頭咁食咩嘔咩
我嘔到12週時
直情大喊
我又係好為食嘅
咩都食唔到，食完又要我嘔番晒出黎
家下就間中朝早嘔下黃膽水啫
你咁諗啦
家下嘔到咁辛苦，易湊好多嘅（不要問只要信，凡事滿希望）
同埋話嘔得越勁寶寶越健康
自我安慰一下啦
邊間做IVF?
我個bb時間表同你一樣！但28週早產左！如果未生現在係33週！現在bb仲係NICU