好想趁仲有記憶打番由2019年6月到而家嘅心路歷程
我廿幾歲已經知自己有朱古力瘤
28歲結婚
一年之後都冇懷孕即刻去政府醫院排隊做IVF
不過政府排好耐
第一次見醫生係九個月後嘅事
見完醫生約左半年後照輸卵管
點知我唔爭氣
喺照輸卵管前一個月肚痛到入急症
做左第二次切朱古力瘤手術
做完手術後一個月番醫院覆診
醫院俾左個期我開始生育輔助（2020年3月）
同時俾左封轉介信我
如果心急又有budget
可以去睇私家
因為我份工要出差
我拖到拎左封轉介信嘅三個月後先去睇私家
2個讚
2019年6月頭黎月經第一日就打電話去私家拎排卵針
打促排第一次係好緊張唔敢拮落個肚度
老公好驚血同打針
佢睇到搾實個拳頭
於是之後每晚打針我都趕佢出去廢時咁大壓力
由於打針要準時又唔可以打錯
69同612我都冇出街
喺屋企睇住個電視又嬲又無奈
然後又再次問自己
做IVF呢個決定正確嗎？
仲已經洗濕個頭開左針藥
所以都要繼續準時打針
但每日睇新聞
心情都好嬲
試過嬲到喊一路喊一路打針
由於我切過兩次朱古力瘤
所以amh只有0.6
卵巢功能低到爆
打左半個月促排只係谷到4粒卵子
615係取卵日
好成功取到4粒卵子
因為做全身麻醉取卵
616我都冇出街
又繼續喺屋企睇新聞嬲到喊
1個讚
加油! 雖然唔知你而家去到咩status, 但都要好好保重身體呀!
取卵果日老公都留埋精子
除左我既卵子質量唔多好
老公嘅精子活力同形態都唔夠好
不過配胚胎嘅時候可以洗精同揀靚嘅去配
所以問題不大
之後果6日就係我果段時間情緒最低落嘅日子
配胚胎嘅Day2胚胎專家會打電話黎update下胚胎嘅進展
4個卵子只有兩個配到胚胎
其中一個Day1之後就唔識再分裂
我聽到之後覺得好崩潰
我心諗唔通我未做植入胚胎今次IVF就咁失敗左？
到左Day5胚胎專家又打黎update下胚胎嘅狀況
由於我得番一粒胚胎
所以胚胎專家專家決定幫我養成Day5嘅囊胚
可惜去到Day5粒胚胎仲未裂成養成
胚胎專家話等多日
咁姐係我唔可以喺6月份植入鮮胎
去到Day6迎來一個好消息
就係胚胎成功咁養成養成
雖然慢左一日
都好過冇
醫生建議休息一個月再做植入
於是即刻買機票飛番轉韓國輕鬆下
1個讚
多謝你
呢段時間真係好辛苦
所以要紀錄落黎
1個讚
好想同大家分享我29歲2018開始去政府排期做ivf
點知話我卵巢衰退個指數高 政府公家唔比我做 要我做政府嘅私症 我自己返屋企打針 最緊張係放胎 第一次唔成功好傷心 喊咗好耐 眼見身邊啲朋友話邊個邊個有咗 我就喊 第二次放胎係2019年頭 點知又係失敗 我就好唔憤氣 點解我會咁 係咪我唔小心所以又失敗 當我準備一心係大陸再做
點知有驚喜 我自然有咗 我同先生仲有屋企開心到不得了
我想同各位ivf嘅絲打講 加油 條路係辛苦 最緊要識調節自己心態 過程係有唔開心嘅 我覺有冇bb都係緣份。
加油
4個讚
話咁快休息左一個月
我啲月經都算準
8月頭一黎月經就打電話去醫院準備植入
點知天氣不似預期
咁岩手術室8月中裝修
又要等多一個cycle
等嘅過程係最痛苦
好想快啲完左呢個療程去
得同唔得都好
咪再做過囉
果陣諗住反正我仲有政府2020年3月個期
姐係仲有一次機會！
終於等到9月頭黎月經
今次真係可以開始準備植入
要係咁食賀爾蒙同打針
加埋日日睇住啲新聞情緒低落到爆
9月中就係植入嘅大日子
由於第一次做
仲要係一個冇麻醉嘅小手術
做之前要飲水急尿
成件事真係緊張到爆
喺張手術床度我成個人硬哂
就算醫生、姑娘、胚胎專家叫我唔好咁緊張
我都係控制唔到呢種緊張情緒
植入完成之後我就同阿胚胎講：跟我番屋企啦
植入之後半個月要隔幾日就番診所打安胎油針
第一次打撞正個唔pro嘅護士
打完我右腳行唔到
咁岩我屋企另一個親人有坐骨神經痛
於是果晚兩個腳痛嘅人要急call老公番屋企買晚飯
果次打油針嘅經驗非常辛苦
好彩之後果幾次啲護士都OK
冇再出現呢個情況
1個讚
BB應該出左世啦
恭喜哂
IVF嘅過程嘅辛苦真係唔係個個人都頂到
我仲要撞正反修例
情緒係超差
日日睇住個電視想打爆個電視
（因為屋企有TV Buddy仲睇緊CCTVB）
1個讚
其實真係要睇少啲因為真係好影響情緒
愛香港嘅好難唔去了解呢啲資訊
果陣明知自己植入左要休息多啲
每日都會忍唔住碌Facebook碌到一兩點
因為好想知道出面班細路咩情況
佢地犧牲緊自己條命同前途
但我仲掛住保命搵錢生仔
雖然呢個係個人選擇
（離題呢part唔講住）
2個讚
我有咗個時睇到喊 真係好擔心我哋下一代
好冇希望咁
d細路係咁比d黑警搞 真係好心痛
1個讚
植入既第三日
突然間個肚痛得好緊要
好似M痛咁痛
痛到標哂冷汗全日都出唔到街
我就諗應該都唔得架啦
不過都係有按時番診所去打油針
未去到驗血果日已經忍唔住拎條大衛早早孕黎驗下
玩完一輪尿見到得一條線
就將條試紙放喺書枱繼續再訓
到左訓醒諗住拎條試紙去掉
竟然見到有個好淺色嘅灰印
但係因為已經過左一個鐘個result就唔準
唔敢開心驚係食詐糊
結果搞到羅羅孿左成日
第二日一早又起身再驗
今次5分鐘後有印啦
但都係唔太明顯
呢3日等結果其實仲緊張
因為用左試紙唔明顯
更加驚係空歡喜一場
好不容易捱過呢三日
去到驗血
等2個鐘後見醫生
醫生：喺屋企有冇驗過呀
我：有呀
醫生：咁樣你應該都知係有左啦
我：嗯
醫生：不過個HCG指數得2百幾
過幾日要再番黎驗過睇下有冇翻倍
天呀！點解又要再等呀！
1個讚
我都仲記得當年要同太太睇生育輔助搞到好大壓力 政府真係要排好耐
好彩最後都算係自然受孕
1個讚
而家肺炎又要擔心BB中招
呢個年代生仔真係唔容易呀
等見醫生、驗血、照輸卵管再兩公婆去聽講座講緊要兩至三年
好彩我仲有少少budget去左私家
我係等排既時候去左睇家計會 試左排卵藥唔得 係等緊AIH之間bingo
同太太都勁開心 差唔多兩年既努力
等驗血期間媽咪做左個全麻嘅手術
又要補胎又要探媽咪
真係心很累
媽咪知道我bingo但未陀穩都叫我唔好咁操勞
但我覺得自己點對父母第時小朋友就就點樣對自己
雖然佢仲係一個唔知得唔得嘅胚胎
但係就當係提早身教啦
過左幾日再去驗血有翻倍
非常開心
不過要繼續打安胎油針
呢段時間日日遲到早退
好彩我上司對打咭呢啲野唔係咁執著嘅人
但開心嘅日子真係過得特別快⋯⋯
呢兩年你地一定都好辛苦
我等左3年
我自己有個朋友等左到而家都3年有多
見到佢辛苦好似回望番之前嘅自己
嗰時打谷卵日日返醫院打，打到傷口都鍾晒，卵巢又谷到癲，抽嗰時痛到休克咁，抽完仲谷住痛咗幾日先好啲，諗返起都怕
我自己喺屋企打針
個肚有好多針窿
不過因為我只谷到四粒卵
又唔算谷得好痛
抽完卵感覺冇切朱古力瘤咁辛苦
抖一日都OK
我都聽講啲人抽到十幾廿粒係會痛到爆