老公就係罵我無common sense… 我真係無，剩係識讀書/電腦/返工…
工人係個做野叻，但唔識教既人。而家我試下remote問下朋友，佢地俾左d簡單d既youtube我。
小朋友蛋敏感，所以可以唔洗學
諗下又係喎～
特別係炒滑蛋～
咁炒菜啦～
呢啲已經係好進階嘅level，要有經驗先做到。以樓主嘅程度，我諗佢都係放輕鬆～見乜就手就用乜先⋯⋯
樓主活係幸福嘅世界，一直都唔洗佢做自然乜都唔識。生活技能係到你有需要時就會產生出黎，呢啲叫馬死落地行。
2個讚
其實外國人都可以好懶煮食，超市有好多ready to cook買返嚟簡單翻熱/焗就得，你同屋企個焗爐混熟d啦，焗真係算最易
1個讚
如果要唔煮，一定可以有方法有得食。
唔係的，外國大把女仔唔識煮，基本三餐既食物都可以靠叮叮/焗爐解決。上至火雞下至麵包都有即食，pizza，意粉，薯蓉，任至田螺都有，翻熱就食得。
我在LA住幾年，初期都有請工人，只係唔過夜同埋唔係菲/印傭。可以請佢返黎煮定幾日放雪櫃。
2個讚
我以前學煮野食差D燒著個廚房 但外國讀書之後食多左自己D伏野食 唔甘心再慢慢研究下練下 依家D廚藝好左好多啦 
1個讚
樓主不如去學下烹飪, 有D真係教得好仔細, 或者平時多D睇人煮餸
其實用氣炸鍋幫手有D餸真係想失敗都唔係咁易, 好似叉燒咁, 校好味就咁掟入去焗
1個讚
D大牌子廚電 製造商 多數都係食譜，講明份量，火力，時間，照抄照整應該都得掛。
仲有錢係解決到問題，e家d科技好得幫手，焗爐都有 living cam俾你係手機睇著焗到點，有sensor監視 防止焗lon
煮得多就得，我8歲已被逼入廚房，一直都係煮普通家常便飯，舊年疫情連乾鮑魚都學煮埋，當然頭幾次真係一般，之後就開始見得人，煮餸真係熟能生巧嘅嘢，樓望比啲時間試吓
1個讚
工多藝熟
由蒸嘢開始，好少會失手
跟住炒
然後炆
最後燉
我都係呢個次序，而家我老公讚我煮嘢好食
可能我同你個背景有少少似
我由細到大都有姐姐幫手，去到出黎做野都唔識煮野食，同樓主一樣，淨係識煮公仔麵同煲飯
結左婚一樣有姐姐，就順理成章唔使煮。但有一次請左個超級極度恐怖既姐姐，次次都係煮d唔食得既野，唔熟、過老、冇味、冇營養、錯誤配搭，為左生存，我唯有開始入廚房煮野食
我老公識煮，但我想試下自己煮，冇可能個個人都識既野自己會搞唔掂架嘛？
如是者，我煲穿左個煲，係，真係煲溶左，成屋都係黑煙
我唔服輸，然後發現焗爐係入門最好既朋友——焗雞翼、焗三文魚扒、焗意粉、焗飯、焗pizza，set好時間，一定會冇事
過左幾年，而家好多菜式都識煮，朋友會特登上黎食飯
唔好服輸，再試下啦
外國有好多醃好既肉，放入焗爐就食得，慢慢摸熟焗爐既溫度同時間，呢d唔需要common sense，只需要經驗
8個讚
第一次聽
轉電磁爐，起碼唔會怕燒左間屋
我最多都係無睇火，煲乾曬水成個煲黑曬唔要得
1個讚
其實已經係電磁爐 當時係單頭電磁爐，連煲帶爐都唔要得
而家我用雙頭電磁爐，煮野最緊要set 時間，或者唔好行開，咁就冇事
1個讚
電磁爐都可以煲穿！俾個叻你！
1個讚
你呢個case真係好令人鼓舞
1個讚
所謂煮嘢食唔好要求咁高，如果只係熟加入得口一定唔難
你話要色香味俱全然後有大廚水準就難
我廚藝都好差，不過係因為我懶同冇耐性
以前自己住真係長期淥麵、買啲嘢返黎焗熟
自從要幫手照顧姪女後就開始焗住要煮啲家常便飯，但佢成日投訴冇味
或者過熟乾爭爭
我就決定慢慢黎，學識左一、兩味先，煮得好食先去學新菜式，最近整左濕炒飯我姪女第一次讚好食
呢道就成為我第一道「拿手好菜」
1個讚
上堂學?