BB三個月大，朝早要抱住先訓，夜晚就自己訓。岩岩BB係我張床度突然玩玩下訓左覺，仲要勁熟睡，叫唔醒。之前未試過咁樣，所以想問下各位有經驗人士，係唔係正常架？
2個讚
我個女仲係幾個月B時… 食食下飯都可以瞓著…
玩到攰瞓著都好常見。
我仔三歲幾都仲係會玩玩吓突然斷電，唔駛擔心…第一時間應該係搵電話影低呢個咁可愛的moment
3個讚
不時聽到呢啲故事，但係我嗰兩個都無試過，一定要氹先瞓嘅…
2個讚
唔該哂各位！因為BB近日朝早成日玩唔肯訓，抱住先訓一陣，今日突然玩玩下就訓左，覺得太突然
咁咪好，連抱都慳返
我兩個都無試過，尤其大女，佢要番床瞓覺。
不過本身我好緊張兩個瞓覺，定時定候都會叫佢哋入房瞓覺。
好好笑
,我個仔拖住行緊都可以瞓著
3個讚
正常，突然斷電就係咁
暫時個b都係等佢玩到攰就會喊要人提供舒適環境加氹訓⋯⋯
正常~ 你個B 好聽話呀~ 福氣~
其實3個月好需要瞓覺
多謝大家！