多謝你…我會從新出發
謝謝你,但請問"問極都唔比聖杯比籤我"係咩意思? 平時聖杯唔係好咖咩? 麻煩哂 
多謝樓主
唔該晒你！其實公司一路都準備緊送我去外國轉職 只不過因為疫情一路未成行同埋我自己都一直十五十六 因為本身已經有外國國藉但有香港屋企人所以唔太急
照咁睇可能會有兩個人幫手 可能今年都係時候喇 多謝你！
卦詞
彩鳳臨丹阙。靈龜降吉祥。禍除福祿至。喜氣自洋洋。
你問題係可唔可以買樓自住，不過求籤求幾次都係唔比我，所以打卦，睇卦詞係無問題，其實你已經有能力買樓，不過應該你仲有啲問題解決，擔心整，所以買唔買真係睇你地兩個選擇
謝謝你，好準呀，我確實仲係有固慮，十五十六中
籤頭故事
羅隱歸吳越王
你問題係問你子女能否讀心儀學校，就咁睇難啲，但問題不是你子女問題，故事主角是一個愛
譏諷政治時事，所以考不中功名日，最後回鄉發展【回鄉發展呢到真係要睇你自己視邊一個地方為你自己故鄉】故事暗示你可能因為一啲政見問題所以未能正常發展，所以比較難入到心儀學校
籤詩
直言說話君須記
莫在他鄉求別藝
切須守己舊生涯
除是其餘都不利
籤詩好直接，提醒你切記係其他地方求學，但配合故事適合你地方只有你故鄉，所以就算你子女入不到心儀學校，也不要隨便選擇科目，求一紙證書
可唔可以幫我睇埋今年嘅事業同財運，我仲未有方向繼續做邊份生意，今年我一定要從頭嚟過…我知道任何人都唔可以倚靠，多謝樓主幫忙
多謝解答，我哋最心儀嘅學校放咗第二志願，而家放第一果間其實我唔係特別鐘意，放第一係因為可以拎到推薦表格而佢又係band1,但我哋最鐘意係第二志願果間，唔知係咪咁解
籤頭故事
呂仙枕黃粱未熟你問題係問你下年能成功懷孕，提故事應該就未有，故事講主角科考落弟，比一道人到家中休息，休息期間主角瞓着左發夢，夢到自己中壯元，娶妻，但四十歲被抄家，夢醒，知道自己係發夢，直接跟道人入山修行，所以下年應未能成功懷孕
籤詩
夢中得寶醒來無
應說巫山只是虛
若問婚姻幷病訟
別尋生路得相宜
睇籤詩好明顯係講暫時未能懷孕，但應說巫山只是虛呢句有啲怪，因為佢形容係你同你伴侶關係，共卦巫生你應知係咩意思
想問下我今年賣樓換樓會唔會成功？今年換樓又係唔係一個好既決定？
另外想問問老公今年工作生意如何？
感謝
多謝GOGO幫我占卜.
老實講我睇完喊左出黎. 我而家備子差不多5年幾都係唔得…我上世係咪做太多壞事所以上天要罰我…
你占卜夫妻關係係岩的. 我先生因為年紀比我大十年身體差. 測左都話冇可能自然成孕…
唉…我都唔識點講好. 好多謝你GOGO.
我會繼續盡我可能做到既行動去行善積德.
THX GOGO
你好呀，樓主！
我地一家三口，想問下可唔可以順利移民到外國呀？
謝謝樓主 
籤頭故事
文中子上太平策
你問題係問移民是否正確，簽案係一定正確，你要盡量說服你另一半，你講你伴侶唔太同意，可能係放唔低工作，唔理咩原因都好，故事提示你，就算你嘅想法得唔到人認同，但你所故嘅嘢都係正確，同故事主角一樣，佢對皇帝嘅政策，仲比皇帝趕走，但主角所提議嘅學說一樣全遍天下，桃李滿門，所以你唔洗擔心，不過我想問你同另一半政見唔同？
出入行藏禮義恭
言必忠良聽必聰
心下了然俱洞徹
光明如日正當空
籤詩好簡單，你所問嘅問題你自己心裏一早已知正確答案
籤頭故事
周郎赤壁敗曹軍
你問題係問你兒子派位如何，如果照故事形容應該無問題，因為主角周瑜在赤壁大敗曹軍
籤詩
棋逢敵手著相宜
黑白盤中未決時
皆因一著知勝敗
須教自有好推宜
不過籤詩留意下，今次想入讀你嘅心儀學校學生水準真係有返咁上下所以，棋逢敵手著相宜黑白盤中未決時，未去到最後都未知邊個成功，不過佢暗示如果有機會面試，你準備多啲，必定無問題，你係未揾左間好勁嘅名校比作仔讀？
多謝你解答呀！
另一半係放唔低工作，佢付出好多先有今日嘅事業，接受唔到移民後人工扣埋稅會比而家少超過一半，唔知點先說服到佢
我哋政見一樣但佢算淺黃，唔會為眼前嘅嘢好大反應，呢個都係其中一個令佢覺得唔需要走的原因，成日話啲嘢唔會變到咁差咁離譜，一有事鬧一陣就會接受
籤頭故事
淮陰侯背楚歸漢
就咁睇你份工做唔長，睇故事你都幾有性格，如果你無興趣嘅工作就算穩定有錢收你都唔太想做落去，所以你份工做唔長
鏡月當空出匣時
剎那雲霧暗迷離
寬心守待浮雲散
更改相宜可望為
籤詩好簡單建議你改一改自己諗法，工作各方面都有改善
多謝你回覆
我搵咗間區內Band 1英中比阿仔，但又擔心佢會唔會讀得好辛苦
Thanks 樓主～～
想問下老公身體幾時有好轉
黎緊手術後有咩要注意
多謝回覆，暫時呢份工做咗接近四年，已經係最長一份，都幾鍾意嘅，係工時長啲，我會調整吓心態。我其實比較擔心公司會唔會有咩變動，即係搬離香港或者重整，籤文呢方面有無啲啟示?