感謝你。
其實當初先生考慮移英，第一原因為個仔，第二原因係有感行業在香港行頭較窄，去英國想尋求發展潛力。（佢大學係澳洲讀的，英聯邦國家）而我則剛剛完成了一個課程，證書係英國頒發的，當初讀也是考慮能不能在英國找到工作機會。
多謝你回覆我
可否問多一個問題，想問愛情
有男友但好似大家唔夾咁樣，好多差異
今年感情如何？如果可以相處好d or 分開？
感謝
籤詩
巍峨寶塔不尋常
八面玲瓏盡放光
勸君立志勤頂禮
作善蒼天降福祥
今年工作運ok嘅，不過唔係呢一刻，因為籤頭故事講主角一開環境暗淡無光，但佢存有一定善心【可能指你平日工作態度】，到七夕時天女下凡，上天賜比佢，故事提到七夕，可能暗示今年農歷七月打後你工作運好轉，但我想問你係打自己工，真係freelance？
籤詩
紅輪西墜兔東升
陰長陽消是兩形
若是女人占此卦
增添福祿稱心情
因為你單身所以籤頭故事形容嘅應該不太合理情況，睇籤詩其實幾好，但如果問感情就麻麻地，紅輪表示太陽，太陽咁剛猛男性形象，但西墜真係太陽落山，月亮升起，夜晚得月光一個孤獨一個，應該暫時唔會有對象，陰長陽消是兩形，陰長陽消好明顯，增添福祿稱心情，呢句表示你褔，祿【錢財，健康亦有可能朋友關係等等】，但唯獨係缺情，所以暫時唔會有對象，但今年其他方面你會過得幾開心
籤頭故事
楚襄王陽臺夢醒
雖然大概籤頭故事大概意思係夢一場，但呢枝係滿籤，佢有一個備註，信舊勿動。待等時至，意思係雖然你要嘅嘢【bb】暫時未有，但待等時至，意思係等待適當時候，證明你仲有機會有bb，所以繼續努力
籤詩
佛神靈變與君知
痴人說事轉昏迷
老人求得靈籤去
不如守舊待時來
籤詩好簡單叫你等待時機，不過佢仲有一個備註大作福力。可保平安，意思見你去求神庇佑，可有助你成願，【我自己會揾一啲比較小人參拜嘅廟去求願，因為通常比較靈】有機會去觀音廟求下
老公關係
籤詩
欲求好事喜非常
爭奈姻親只暫忙
畢竟到頭成好事
貴人接引貴人鄉
籤頭故事好得意佢有小小暗示你同老公嘅結識有小小似弄假成真嘅感覺，本身玩玩下，點知愈玩愈認真，跟住先真係鐘意大家，籤詩講得好明白
畢竟到頭成好事，你地白頭到老應不是問題
多謝回覆。
我打工既，最近部門大變動，工作環境變化大，好多嘢要獨自解決，有少少孤立感。
我工作自問認真儘責，希望承你貴言，漸入佳境。
籤頭故事
鄧通銅山鑄錢
你問題係有無新男友，照故事睇係有嘅，開始時關係仲幾好，但故事裏皇帝十分寵愛主角還賜佢一銅山比佢私鑄銅錢，但最後係被皇帝兒子妒忌，貶為庶民，可能暗示就算有新男友會有一啲人阻礙，有機會係佢嘅親人，朋友等，導致你地結果可能未如理想
籤詩
園林月色搖疎影
恍若鋪成滿地瓊
幾度兒童來收拾
豈知收拾總無成
籤詩頭兩句園林月色搖疎影恍若鋪成滿地瓊，環境所有嘢比你嘅感覺都好甜蜜，你嘅對像比你感覺好舒服好適合，幾度兒童來收拾豈知收拾總無成，但最後有人阻礙，變成失去成果，可能係關係，但如果有機會拍拖可以試下，問題應該唔係係你對像身上，係佢身體嘅人，籤頭籤詩大概講只要你小心應對佢身邊嘅人，就可避免
進穑卦
戊己本居中。 先憂後喜逢。夫子值陳厄。目下不和通。
你問題問健康好得意，我問極都唔比聖杯比籤我，所以我用卦問，呢枝卦，如果問健康真係麻麻，可能你身體已經出現問題，夫子值陳厄。目下不和通。大概講你呢家係一個困境中，可能指係健康問題，暫時未能痊癒，但先憂後喜逢，你要經一段時間後就會無事，呢枝卦都有小小破財意思，可能同你健康有關
1個讚
籤頭故事
蘇秦抵掌華屋
籤詩
重開山後藏前事
萬寶園中可再團
醉詠新詩添逸興
貴人引接上雲衢
如果你問感，我想問你同伴侶拍拖有一段時間，開始諗緊結婚嘅嘢，如果就咁問感情，暫時都無咩特別都係普通情侶感，吵下，玩下好正路，但如果傾到結婚都無問題嘅，不過要遲啲，因為係有金錢上嘅問題，不過你地關係無咩大問題
1個讚
籤頭故事
泗水亭長作天子
你問題係問，工作，創業，退休食老本，睇故事你行邊條路都可以，故事泗水亭長作天子，漢高祖劉邦你應該知邊個，除左佢做皇帝前要同項羽打獲金辛苦啲之外，基本上都好好，有老婆幫，有一大班忠心義氣有能力嘅朋友幫，助佢成為皇帝，所以都無咩好解釋，你做咩都可以，題外話呢排都好多人問你呢個問題，大概都係去英國生活點，但每次每個人都出好籤，我有時諗會唔會全部香港人走左去英國後，可能會又創造喺英國嘅第二個香港80年代嘅盛世，人人揾大錢，生活無憂，我近呢幾個月成日有咁嘅感覺
籤詩
天地交泰萬物新
自形自色自怡神
森羅萬象皆精彩
事事和諧得稱人
簡單講萬事如意
籤頭故事
劉先主如魚得水
籤詩
忽朝一信天下墀
寶貝船裝滿載歸
若問前程成底事
始終應得貴人提
你問問題可否2021年離港工作，故事籤詩都提示可以，但你要揾一個軍師，例如同你一樣有意移民嘅朋友，熟式你想去工作地方嘅人一齊商量，就好似故事就係講劉關張同諸葛亮幾人商議做事，如魚得水
樓主,
身邊人個個都催我移民!但我心境有點累,唔想郁,唔想走!但為小朋友,理性上要比最好佢,要走 
我都想比個時限自己,工作已經係滿苦累,上次你都幫我占左繼續工作儲錢會較好,對日後幫助大 
今次,我想問下我/小朋友有無機會移民工作/離港讀書?時間係5-10年,定係10年後?唔想太趕!
人生苦短,對我嚟講去邊都係一場夢!
謝謝你
多謝回覆！阿女呢幾年真係其他都可以，就只係感情唔係冇只係唔可以開花結果
其實可以去試下拜神求下姻緣，拜多幾次出去揾多啲機會，快啲揾到真姻緣
我想問幾時先升到職/轉到工，謝謝樓主
Hello樓主 想問自身事業同今年打算移民，想知我伴侶搵海外工會否順利。謝謝
thanks! hope i can
籤頭故事
劉太尉聞雞起舞
籤詩
事業功勳暮與朝
榮華物態不勝饒
報君記取金雞鬪
福祿聲名價自超
你問老公生意的走勢，睇故事應該不錯，故事主角係聞雞起舞，只要聽到雞啼聲，就一早練文習武，應該指你老公對生意投入程度，主角最後經過一返努力，文武兼備，最後統領三個地方軍權，成為一個大將，應暗示你老公可在呢行業有一定成績，不過籤詩亦提配你，你生意做得成功，物質自然豐富，切勿太過沉迷酒色財氣，要記得當初努力拼搏過程，自然可保持富有生活，另外留意下今年八月後，生意可能有機會更好
歷史故事我唔熟，不過枝籤好到咁都幾鼓舞。老實過到黎咁耐真心唔算順利但亦未至於太差，希望如你所言，之後會變好，唔只我，所有真香港人都平安幸福。
籤頭故事
孟嘗君雞鳴度關
你問題係問你今年能否離港工作，就咁睇故事係得嘅，好得意，故事同呢個現實環境好似，主角要在秦王封關前逃命，最後因為有技能嘅人幫助令佢成功出關，你今年要走應該無問題，不過故事提到兩個人，兩個人都擁有可以喺幫秦王把關嘅人都開路比佢走，可能暗示你真係要揾一到兩樣技能學左，準備好先離開好啲唔係走到你都難生存
籤詩
東方月上正蟬娟
頃刻雲遮月半邊
莫道圓時還又缺
須教缺處復重圓
大概同故事差唔多，襯重有時間揾啲技能學下，好行好多