Hi 大家好，
第一次係網上留言，好緊張啊！
今年二月我39啦，bbs今日第10週，係11月做IVF有咗嘅：）
咁我有咗之後繼續搵返幫我做IVF嘅私家照咗三次超聲波，諗住佢熟啲我background 好啲，但唔知婦產科醫生係咪有分處理懷孕前同懷孕後，感覺佢好似唔係咁細心，仲試過問我要唔要轉介我去另一個醫生跟進同接生。
前幾日照咗第三次超聲波，跟住醫生問我排咗政府未，咁我話咗啲日子比佢知（分別2月頭Oscar, 2月中產檢），咁醫生就話暫時唔駛再睇佢，叫我2月尾3月先返去，其實係咪咁？ 定佢想耍走我？
另外，本來我同老公一心想做T21，但私家話雙胞胎做咗T21 個結果都分唔到係邊度bb, 建議我唔駛做，我哋好疑惑，醫生竟然叫我哋可以問吓政府係咪咁喎⋯⋯
之後上網搵吓資料，又搵唔到啲乜，反而有人提及雙胞胎做Panorama 好過T21，所以我而家都考慮緊點好…
有咗之後好開心，開頭諗住隨遇而安，唔諗住上網搵資料或問嘢，因為諗住睇私家或去政府嘅時候，問醫生佢哋會好清楚亦答得專業啲，但發覺每一日自己就會有新問題浮現出嚟，有時會擔心有啲嘢冇做到，又驚做唔切，希望嚟緊順順利利！
生育科醫生係主要幫你懷孕，成功懷孕之後可以轉其他婦科醫生做產檢跟進。
T21係抽媽媽嘅血搵BB嘅DNA以後去驗，如果check到有問題，但因為係雙胞胎，唔知係邊個BB有問題，可能要獨立再抽羊水之類。可以搵個產檢醫生問清楚。
恭喜！
你既問我唔識，幫手push！
不過都肯定一樣野就係，你高齡，私家覺得比較危險，所以有啲想推去政府！
所以你最好兩邊都睇！
Thanks 
多謝你嘅解釋
而家都搵緊轉邊個私家醫生好，有冇推介？
多謝你
我都會兩邊都睇啊～
政府就去瑪嘉烈，但而家搵緊私家醫生邊個好
恭喜! 你邊區方便呀?
我都係兩邊都睇～
私家做左T21同結構（得閒嘅可以每個月照下超聲波同bb見面），其他都係跟政府個期做下糖水嗰啲～冇我想像中咁亂咁多嘢。
油尖旺都ok ar~ thanks
冇推介呀
揀醫生最好就近自己或者搭車方便嘅醫生，始終人夾人。祝順利懷孕
希望開始咗政府果邊個人會定啲啦～
隔成個月先見bbs 會好掛住佢哋啊
好想日日都睇住佢哋係我個肚入面係點
唔緊要啊～
Anyway, thanks a lot
你講得啱啊，我覺得有時真係人夾人緣。
旺角的話可以試下劉煥聰醫生. 我好朋友第二胎睇佢, 好讚, 醫院嘅姑娘都讚佢好nice 易話為
尖沙咀可以試下鄭昆瑜醫生. 我自己有睇過, 超級中意, 關心左媽媽先睇bb, 可惜佢唔會過海接生, 所以我後來轉醫生
我身邊大部分孖胎媽媽都會去政府生, 因為萬一有咩事, support 會好啲但價錢又唔會咁貴. 不過都會一直私家政府兩邊睇
加油!
Thanks ar~
多謝你嘅資料啊～
我之前都係政府私家兩邊睇
產檢同T21就睇黃建新醫生
又平又幾細心 係每次都等幾耐
結構睇黃紹宏醫生亦講解詳盡
不過呢輪呢邊疫區驚驚地喎
我本身睇緊不育科，食左排卵藥，諗住唔得就ivf，點知食完藥第三個cycle就bingo，當時乜都唔識，就搵返呢個醫生睇，6w照完閃，8w再檢查多次，佢都話唔再跟我，轉介左另一個醫生比我 （佢係不育科都幾出名，唔知係咪你果個），所以我諗都正常嘅
你打算搵私家接生？我建議去政府醫院好D。政府多D有經驗嘅醫生支援，唔好彩有咩事其實私家醫院都係要你轉去政府。
高齡+孖胎，睇嚟私家都應該唔會想接，驚有咩事會上身。
不過你放心，政府醫院supporting都好好。
建議你搵返有幫人做IVF經驗既產科醫生，始終你花咗咁多錢同心血先得到呢對B。尖沙咀可以睇林淑儀，中環可以睇尹鎮偉，個人覺得中環果個好D，有耐性D。但兩個醫生都貴架！
Twins 最好返政府生，support 會好好多。我朋友喺政府生，醫生有問想順產定開刀。
我10周之後生育醫生都係叫我轉去普通婦產科。生育科同婦產科唔同，我諗佢唔係話想耍走你，應該係為啲有需要嘅人騰出空位
恭喜你！