上年8月順產生b，有剪同縫針，之後大約一個月後傷口好返到依家差唔多半年。
近一個月發現去廁所時傷口位置有一條肉芽，有時又會有少少血咁同分泌物多咗。
有冇jm有呢個情況出現？要唔要睇醫生做手術割左佢架？
我係生完滿月無耐就有呢個情況，去返產檢醫生度，佢即刻幫我處理到，用較剪剪走肉芽 (剪嘅過程唔痛，會流少少血，消毒埋傷口，落床陰道會有啲痛，大約半個鐘度就無再痛)
我開頭都勁驚要做手術，原來喺診所用較剪都處理到
咁都好啲，我都快啲約醫生睇睇先。想問下傷口大概幾耐好返晒呀？唔該晒
滿月無耐果次處理完，差不多10日後我返去做產後檢查，已經話無事，其實處理完過左半個鐘已經無感覺