果日病左仍然堅持食住藥去in, in 成粒鐘，去到後段個腦一片空白，諗野又慢，好後悔自己食住藥去in. 寧願食遲一陣都唔好白白浪費左個大好機會丫，我真係好後悔好後悔。 
論背景，知識，工作範疇真係無人及我，（我意思係fit 到個位，因行頭窄，出面更加唔會有） 但果日見既係其他dept 大老細, 人地唔識我梗係睇當日表現最重要，雖然佢最後都放左我係佢條team, 但而家係平過，唔係升，我真係好想知佢會請到個乜人坐我上面。
sorry 我咁講唔係大口氣，因唔可以透露太多，但呢個位明明垂手可得，我都白白浪費左，真係好無用。
好想快d 搵多少少錢比好d 生活兩老，同自己可以搬出黎過新生活，而家又無左呢個機會，做左咁耐，真係好對唔住自己。
人人話下次得架啦，實係你，但升職都要睇時機，無人走又點會有位，我真係灰到搵工，有其他發展機會就想離開呢度。
當然我有檢討下自己interview 其他既不足，但一諗起呢條team 好多人快過我升左職，我就覺得自己好無用。
加上舊team 同d 同事關係開始麻麻地， 故仔好長，總之好多辦公室政治，睇到好多人性既醜惡， 唯一好既係就快可以離開呢條team 去新team 會有新開始。
唉～
多謝大家聽我呻
4個讚
辦公室多數係咁，無政治係你超級lucky
以為離開舊team以後新team會無辦公室政治？咁就真係太天真啦
要升職睇工作表現，都要睇埋你心理狀態
你以為工作能力同升唔升職有直接關係又係天真咗
大老闆睇人應該睇得好通透，唔關你有無食藥事
有時候升唔升到職，要睇你夠唔夠「火候」
2個讚
唔知你做咩位置
但我做咗咁多年野，越嚟越覺最高位置唔啱自己做，通常呢d位玩politics 多過乜，同埋好多缐要踩，寧願做低d位有返自己生活同人性好過，總之package 過到自己就算
11個讚
咁當然啦，我身邊好多升左職既都超搏表現，我呢d 默默做既點都會輸蝕，我只係覺得咁多年既付出都係原地踏步
我無以為新team 無政治，但今次真係上一課，唔會再當同事係朋友 
我都認同，我唔係升好高級，都仲係初中層，黎緊我只會安分守己係我個level, 唔搏喇，到時搵到份更好人工時工就走 
你要睇吓你target 去到邊，同性格做唔做到。
經驗之談，team head普遍都係廢，佢哋功能係用佢方法去please 公司最大嗰個，所以佢哋係吹水多過有料，跟著呢d人波同 
一定多。
如果你中層，要好睇你同呢啲老闆夾唔夾…
如果你老闆係buy你，雖然你可能未必係佢個堆，但因應你有能力而佢要一個做得野嘅，咁好應該比reward，唔升但應該加人工或bonus 去appreciate 你。如果乜都無，咁可以搵工。
2個讚
多謝你，我會做住搵工。我feel 唔到公司重視我。以前我乜都唔say no, 乜都肯做，同事玩野唔做，嫌呢樣果樣，老細就推比我，我當學野草經驗，頂埋，永遠做多唔做少，但而家用完就即棄，調我去開荒仲話有可能升，點之平過，我極之失望。做左4年都未升到一小級…
其實我唔明樓主講到好似咁多年付出白費咁. 你啲人工咪回報囉. 你做左幾年義工嗎?
如果你覺得人工低咪跳槽, 你成行人工低咪轉field. 要等人升你嗎?
我又唔覺人地用完即棄呀, 首先你有人工收ga wor, 而且佢又唔係炒左你.
咁我都明樓主得唔到想要的東西係會失落, 不過掉返轉諗, 呢個時勢仲有份工都算係咁.
如果你係後悔自己面試表現唔好, 咁我理解. 經一事蔡一智, 唯有下次表現好啲.
但係單單就住冇升你職呢件事黎講, 公司又冇對你唔住呀.
至於以前開OT 好辛苦, 咁都係同一句說話, 你唔滿意工作環境咪轉工.
唔好期待"人地升你.", 如果你上司曾經承諾升你, 而換取你開OT, 呢啲係空頭支票, 就好似男人話愛女人一世, 黎氹女人生仔, 俾佢上床一樣的甜言蜜語
5個讚
可能唔關你叻唔叻事，事實職場上好多係自己人空降落去，你in到識飛都無用，老細話以前條親要入嚟，in你都係做個樣，身邊有人啱啱經歷過佢係識人，你哋in嘅時候佢自己已經另一個時間見咗，見完你地就立即上佢資料上HR，世界就係咁，睇開啲
佢地真係炒左我個位囉, 話cut headcount 所以要調走我。又話唔係講performance 但有更多位比我果個更無用都仲唔cut. 咪就係d 人tum 得掂老細。
我地呢d grade 做兩或三年就升到一個小grade, 我4年仲要去第二度由頭開始， 因為轉左team 就要做滿成年先報得其他工或升職，所以我先覺得無發展
唔好意思我純粹想呻下。
唔係, 唔好意思, 可能我講的說話唔啱聽. 對唔住. 在你呻的時候仲講唔啱聽的說話.
不過期待未來升職同期待結婚會一世一樣, 都係一啲唔guarantee 的東西. 只有今個月會出的糧先係真正的報酬
我覺得個mind set 要轉下. 如果對現狀不滿, 今日要就作出改變, 而唔係等幾年後升職.
再講, 科技變得咁快, 用以前的career path 黎期待未來, 係越黎越唔work. 唔只你, 係所有人都面對的問題.
我其實都有正面d 諗我會調整返自己工作同生活既平衡同對公司唔好再有太高既期望。
仲有無得bargain ga? 咁樣對你好不利wo
有時都明白某d位比較core而有d唔係，咁所以一cut headcount 就會斬先，但問題返工唔睇performance 咁睇咩好？係咪代表以前hae做已經ok? 佢個理由其實講唔通。
至於tum老細，呢d people skills既野，做得恰當火候夠就上到位ga la, 度度都係，出來做野唔需要新界牛ga
呢個係真理
但如果你事業心重唔能夠睇開d, 咁就要轉地方，呢度發揮唔到ga la
1個讚
如果樓主真係想搵多啲錢, 情願呢份工做到唔俾人炒就夠. 然後發展副業, 唔好將所有蛋擺在同一個籃.
其實每個人都係, 佢既行業唔知幾時就會被取代. 如果有副業係會穩陣啲.
1個讚
我亦見過新同事一入黎連升2grade, 無點解ga, 係個boss轉左佢要下面既人全部am or above title 所以升個入左黎無一年既officer上am lor, 唔好問能力啦，越問越傷心。
所以對工作既野，睇開d.
2個讚
就係無得bargain 先失望。你好地地唔好搞我，我大可以今日升唔到咪聽日後日再唔係幾個月後，報下公司其他升職位，而家硬食左個新位要坐滿一年先報得。我先覺得比佢限住左，公司亦無考慮我既發展空間。不過算，我搵定工啦。 
1個讚
係。見太多。所以哈哈越諗越傷心。唔好理。世事唔到我理
