請問有寫過求位信嘅網友可以分享一下經驗嗎? 我上網search 好幾個link 都係亡國嘅就唔想睇…
早2日收到心儀學校嘅後備生信, 我有聽過其他媽媽講話寫求位信有可能有幫助, 想即管試吓, 不過無咩經驗, 內容應該係點, 應該幾時send… 可以分享一下嗎? 
感激
盡快！
最好親自交比校長/高層教員
我以前寫內容就冇特別，都係講下自己理諗同學校相近果d啦，不過就夾左封育嬰園校長信，最後有收到，不過唔係咩名幼，係地區一間口碑幾好嘅學校咋，所以如果搵到人寫信應該加分掛
好提議
盡量啦… 近期疫情有啲好似都WFH, 同埋我去到, 我覺得老師通常都會擋左先…
多謝你回覆… 我都一樣呀, 唔係名校, 係區內口碑比較好, 不過學位少, 都難入… 盡力, 咩都試下啦
除左send信，可以閑時打電話搵入學主任查詢下（唔係接線哥位），不過真係撞彩
我上年親自寄左3封求情信，諗住都冇咩下文，入左哥個心儀幼稚園谷知道有人放位，就即刻打去問會唔會有機會，點知第二日真係收到好消息
有時企起老師立場諗，佢哋都唔想不停搵左後備學生返來又唔讀，邊個有誠意，條件又唔太差，就打俾邊個先
係3封都寄同一間學校嗎?
呢個都好有道理
3封同一間，每封都唔係重覆內容，其中一封手寫，雖然講來講去都係同一篤屁…
強調下一定會家校合作，好早之前已經留意學校，擦下鞋咁
1月重好早，唔洗擔心，你入下哥間學校新生谷收下風，見有人走就要打去問，我當時8月先收到消息，學位音樂椅玩到開學都重轉緊，而家太多人移民，好多讀一陣又唔讀
係呀， 通常都唔會俾你見，除非你捕佢出來，但小心嚇親校長 
多謝分享, 你好有恆心呀我會試下
由其而家疫情，唔排除有些家長手持N個私一津offer, 到5－6月私校要交留位費又會有位放，到9月睇下係咪真係返到學又會有人放位…
我都係咁諗呀… 今年真係比較特別
托賴我小朋友有3個offer, 已經放棄左2個 (知道唔會去唔想拖住), 有一間留左位. 留左位嘅嗰間, 其實我都幾中意, 佢應該會開心, 不過唯一就係學術淺. 2歲嘅話我唔介意, 因為到K1 可以轉. 不過心儀嘅呢間學術比較高, 又開心, 一石二鳥. 如果PN 就入到, 咁就可以唔使轉… 我諗都係見步行步啦
啱啱親手交左信比主任 (校長放假)… 大家請為我仔仔集氣, 希望有好消息
2個讚
啱啱知道左22號心儀學校應該係叫正選生交留位費… 如果有人唔交我打去問… 但會唔會顯得太aggressive? 我星期一先親身交左信, 大家點睇
唔會啦，我係你23號就打去客氣d問下有冇消息，如果有消息，見你都有誠意，可能俾你先
1個讚
唔該我試下!
唔使等到23號嚕… 啱啱學校打黎, 後備變做正選
多謝大家幫忙
3個讚
恭喜你呀
呢間係咪首選呀？
多謝
你個提議
都可以咁講, 但糾結緊… 本來有另一間留左位, 諗住如果冇其他, 就去嗰度.
另一間其實都唔差. 兩者比較, 大家教職員都友善, 感覺有愛心. 前者係 happy school, 但我諗學術應該幾淺. 最好嘅地方係有戶外遊樂場. 後者 (之前係後備生嗰間) 都 happy, 但學術高啲有系統啲, 不過最唔好係地方細…
我直覺應該揀後者… 因為如果讀淺happy school, 我諗九成到K1 時候要轉校