我仔而家一個月零幾日大，奶粉B（一日得15ml人奶做點心🥲）
由佢day5到而家一直都食能恩全護，但係開頭一日有三次便到而家一日得一次，今日啲便份量仲好似少左啲咁…
想問下有冇b都係咁呀？冇轉過奶粉但便少左
我個仔之前都係咁呀，由一日去三次變左兩日去一次
而家接近三個月大，有時兩日一次，有時兩日兩次
問過醫生，醫生話飲奶冇變就ok
1個讚
我阿女因為主要食人奶
食人奶嘅會真係完全吸收晒冇咩便便
我個女最誇那次隔咗10日先有大便
咁食奶粉就唔太清楚
不過去食輪狀時問過醫生佢醫生話肚仔冇摸到硬硬地嘅
都唔洗驚
可能阿b吸收得好呢
1個讚
我見你有話食輪狀
你當時揀3劑定兩劑呀？仲有冇補hib針呀？
我唔知點選擇，爬左好多文都冇乜頭緒
我食2劑
其實我就搵屋企附近診所問有冇得食
同咩價錢
初頭我老公話搵個專業兒科醫生食嘅
我話其實遲下小朋友總有機會要睇醫生架
點都要附近搵一個醫生夾下
又睇下醫生有冇耐性
所以最後搵左個屋企附近
又見大部分人睇過都話幾好嘅醫生
不過個醫生就唔係專睇兒科嘅
打去問時佢只有2劑食嘅
我問過附近幾個都係得2劑食
咁所以就搵佢食咋
咁佢都幾有耐性
同幾細心
因為話說我個女去食第一針時
一入去見到我阿女塊面少少脫皮
就提我太乾要塗保濕
咁我原本都諗住問佢係咪正常
你知好多初生都有皮膚問題
好多都話唔洗理
保持清潔就得咁
所以我至少感覺唔錯
唔會真係諗住餵左你針就算咁啦
1個讚