阿女玩繪畫比賽
畫完交俾老師
老師之後 send 返幅相俾我
話「執咗一執」
一睇幅畫啲顏色靚咗好多
連畫作介紹個老師都成篇幫我個女重寫咗
係咪成個香港全部學校都係咁樣做緊??
好似好錯咁，唔知會唔會教壞個女
你地有冇遇過類似情況? 點處理好?
1個讚
我估如果咩住學校名參加嘅大賽多數都會，始終學生攞獎，對老師仕途都好d
2個讚
當所有學校咁做，你學校唔做就冇機會得奬。
係錯ka，但其他人咁做，你唔做，校長就會出聲。
3個讚
我囡出面畫班老師都係咁.
但公開試, 係出面畫有考官睇住畫個d就當然唔會
應該係正常？唔知喎！
記得以前同學寫作文比賽，老師都有「執一執」
咁我都認為合理既，應該算慣常做法？
1個讚
咁都合理？我寧願唔參賽。呢啲同家長幫小朋友填色跟住攞獎係五十步笑百步
5個讚
大陸化
好似比賽既好多都有執?
呢D如果唔係現場比賽，都會甘樣嘅…
一向都係咁
執少少我覺得OK