上網睇咗少少資料都仲係有啲唔係太明白
想學吓嘢 有冇谷友可以解釋一下
用黃金來支撐現金貨幣價值。
請教一下 咁對現有嘅金融體制會有乜嘢影響？
除咗人民幣之外，
好多貨幣都係⋯⋯金本位。
例如：英磅係金本位
網上有好多資料提供，你可以去查詢
1個讚
英國在1931年停止使用金本位，美國在1933年開始慢慢廢除，1934年，美國政府將黃金的價格從20.67美元/盎司黃金調整為35美元/盎司。直到1971-1973年石油危機完全放棄金本位，其實美金大幅貶值。1981年，美國總統Ronald Reagan 成立黃金委員會研究將兩者重新掛鉤，最後沒有成事。在2020年，已經沒有任何役發展國家的貨幣與黃金掛鉤。
但係英國及美國都有用黃金支撐佢哋貨幣。
有佢哋自己嘅金庫
1個讚
簡單黎講，政府定一個XX美元可換一盎司黃金的匯率，政府有幾多盎司黃金，先可以發行幾多美元。咁就造成兩個後果，市面上美金不足，為左發行更多美金，要買入黃金，金價漲。
2個讚
古代貨幣係金屬，本身熔左佢都可以有啲用。現代貨幣其實好多時只一張紙（好啲係用綿或者膠造），就算係金屬，價值都未必同面值相等，你好多時係信佢唔會變成完全無價值而已。咁到底啲人點樣信一個貨幣有啲價值？
喺呢啲現代貨幣出現早期，發行貨幣的當局好多時會話︰「嗱，你拎呢張嘢嚟，我可以換翻啲有價值嘅嘢比你。」咁到底換啲乜？好睇隻貨幣發行時講啲乜。南宋開始有的「銀會子」或者「銀票」換銀，類似的紙幣一直用到清代；美金早期係換黃金。呢個「換啲乜」就係所謂的「本位」。
為保證能夠兌換所承諾重量的交易物，早期的主要做法係每發行一定數量貨幣，發幣的銀行即買入及儲起相對應重量的白銀（白銀本位）或黃金（金本位），或者起碼話你知佢會咁做。老實有無做足係講個信字，到你真係去銀行話想換嗰時先知有無。
現代貨幣理論會講到貨幣供給要隨市場需要增減，先可以避免貨幣不足產生的惡性通漲或通縮問題，次次去買賣黃金唔單止貴，受商品市場波動影響，仲唔一定比你買到，相當麻煩。另外脫離本位可以令國家銀行自買賣抵押品中鬆綁，可以解決當下某啲燃眉之急。靈活刻意地貶值，亦有助對外貿易，貨幣學派主張有節奏地慢慢將貨幣貶值，以維持輕微的通漲。在歷史潮流下，所有金本位的貨幣均已脫勾或停用。
正如前面有人講過，美金已經脫離金本位好耐，抵押品唔係黃金，而係美國國債，聯儲局發貨幣時，會向聯儲銀行交債劵。港幣發行的抵押品是美金，發幣銀行加印同時，要向金管局提交等值的美金，由金管局用抵押品買賣市面上的港幣對沖，穩定聯繫匯率。人民幣行「一籃子貨幣政策」，聲稱發幣時有儲不同數量的各種貨幣，但抵押品是否充足就只有天知地知黨高層知。
4個讚
大慨掌握了 多謝幾位谷友賜教
該主題在最後一個回覆創建後30天后自動關閉。不再允許新的回覆。