日日都屋企煮, 有時真係唔知煮乜好, 上網見人用氣炸鍋好似幾易用, 又唔駛咁油, 唔知大家有無經驗分享?
我冇呀，但真係心思思想買，可惜屋企冇位擺
最緊要識用，識用就好好用！我之前一直用焗爐同光波爐，去到前年先買，買左覺得幾好用，夠快
下午茶時切個薯仔，炸個芝士辣粉薯角，好開心；湊緊bb冇時間煮飯，放兩塊雞扒入去，又香又脆
想偷懶時，就咁買氣炸鍋小食，成份放入去就食得
有朋友黎，放隻法國春雞或者豬手入去，出黎又香又靚又方便
有個kol話氣炸鍋唔好用，一睇就知佢唔識用
入氣炸鍋group應該會好好多
1個讚
我有啊
之前PCCW送
我屋企無微波爐，焗爐，我當佢微波爐，焗爐咁用
有時朝早翻熱麵包，宵夜整花生醬多士，氣炸麥樂雞，薯餅，蜜糖雞翼，好好用。
仲有氣炸759買嘅Pizza
我有氣炸鍋, 不過當微波爐用又唔得呀? 好似唔可以返熱用, 想問下你點當微波爐用?
我都好鍾意食氣炸759 pizza 呢排再試埋瑪莎既pizza 都好正 正過pizza put
氣炸鍋直情係唔識煮野食嘅人嘅恩物，太好用，又唔駛睇火
我用蒸焗爐比較多, 反而唔太識用氣炸鍋, 成日Overcook
屋企有蒸焗爐，心思思想買氣炸鍋好耐…
你鐘唔鐘意食炸野？如果鐘意，氣炸鍋個口感脆好多，我都係二樣都有，但蒸焗爐係大部嗰種，可以用黎焗雞，氣炸鍋就拎黎整脆口野
超中意！
我連饅頭都要焗到脆脆到嘅口感。
但氣炸會唔會熱氣？
睇下你同咩比: 如果你之前成日食油炸野, 依家用左氣炸鍋炸, 咁就無咁熱氣; 如果你原本無咩食熱氣野, 買左氣炸鍋後時時食, 就一定比之前熱氣.
有呀, 好正呀, 新手都變廚神
整小食好方便: 炸雞, 番薯, PIZZA, 西多士…
整餸又得, SO FAR整過西京銀鱈魚, 蜜糖/黑椒雞翼, 焗春雞, 椒鹽瀨尿蝦, 粟米斑塊, 今晚打算整椒鹽豆腐
好吸引
有冇分邊部好？
我想買philips綠色。
我有部，但我極少用，用焗爐多。
我買左粉紅色果部, 應該同你講果部同一型號, 我得3個人, 夠用!
買左之後整多左小食, 焗薯, 番薯, 薯條果D好容易
三年前開始用，用了兩年半丢咗唔用了。太細。好易外面燶入面唔熟，而且無得較上下火。用了焗爐唔會想再用返氣炸鍋
整蕃薯嘥嘥電嘥時間。整多士乾爭爭（用油炸好食好多），炸咕嚕肉都係油炸最好食。賀年糕點簡直惡夢，唔好味，用鑊煎好食好多。
前一晚買麵包做早餐，食之前放入氣炸鍋較195度，三分鐘就食得。熱辣辣好味d
759 Pizza好難買，太多人知佢好食
一翻貨就搶
用油炸係好食好多，但太麻煩呀，氣炸乾手淨腳