仔仔就嚟1歲，係咪要開始幫佢戒奶樽？佢一直用緊bbox飲管杯飲水，但bbox枝飲管好似唔蒸得，如果用嚟飲奶 係咪買d可以蒸得嘅牌子好d? 定係1歲後 唔蒸都唔怕架喇？
有冇咩牌子or款嘅杯推介~~~
我仔仔都歲幾,未戒奶樽 
我仔仔用開3隻飲水杯D配件(包括飲管)都係可以蒸~因為始終飲管好幼,可以蒸嘅感覺上會乾浄D。
我仔仔用開呢3隻杯:b&h 瑞士寶琪 Tritan 360°C 學習防漏杯、 Richell 兩用不銹鋼水杯、Piyopiyo黃色小鴨滑蓋360度自動吸管學習杯,Piyo支飲管我另外買多幾支,代替本身支飲管唔蒸得嘅飲管杯上(eg.$12店個飲管杯)~
如果你仔仔識用飲管杯飲水, 就可以試下用佢飲奶, 之後試用普通水杯仔飲野 (18個月左右), 我就18個月先無蒸佢啲水樽，但用之前都會過滾水。
我大仔都有用360防漏杯, 堅好用, 飲管杯就用 Pigeon 同 Richell (都係朋友送既), 有得買飲管 替換同蒸得。
早啲俾佢試用水杯仔呀，可以用 espresso 杯 或者 shooter 杯 試下俾小小水佢, 因為頭一, 兩次可能會倒入鼻, 但好快就會學識好似大人咁飲水, 玻璃杯點都安全同乾淨過膠杯, 又洗少好多野方便好多 
1個讚
你仔仔咁多杯嘅
但飲奶就淨係肯用奶樽飲呀？
咁聽落真係用360防漏杯或水杯仔好d…飲管始終驚洗唔乾淨咁…不過都要佢識用同肯用先
有試過我哋大人飲水 佢係咁搶住想飲，咪比佢試吓囉 點知一飲就濁親
係呀,佢好多杯 
360°C 學習防漏杯比佢學用杯飲水,佢好快上手~不銹鋼水杯就飮暖水用,保温嘛~吸管學習杯依家就好少用。
佢好鐘意飲水,用咩容器都得,甚至碗、碟都得~ 
但奶佢一定要用奶樽… 
慢慢試啦, 小朋友好快學識新技能架
我大仔12個開始飲全脂牛奶, 14個月由人奶畢業後, 夜晚瞓之前會俾一盒細盒紙包全脂奶佢做消夜, 連杯都唔使洗
到大啲就買大盒1L 全脂奶俾佢用杯飲, 飲管杯同360杯只係出街先用，懶媽媽覺得沖奶粉都麻煩
我都聽過有frd d bb係咁…咩杯都識用 但就係唔肯用嚟飲奶 所以我都好驚sai錢
我而家都仲餵緊人奶…除咗返工時要泵，早晚都係埋身…我都諗住1歲後就慢慢轉一餐做全脂奶~~ 我都好懶洗嘢 所以最鍾意埋身 你bb肯就咁用紙盒飲真係好乖