屋企冇長輩可以幫手照顧BB, 只有一直請開果位工人可以幫手。
但因為佢平時都係做開家務, 做野又冇咩記性咁。加上有D拿西，所以都有D擔心。
想問下大家會點樣train 佢/Manage 佢照顧BB? 請指教
我果請陪月，照顧我時，亦教我同工人點湊B
你可以寫schedule 比姐姐餵奶時間，咁方便返工用cam睇姐姐餵奶情況，同埋我會前一晚，分好一餐餐母乳係雪櫃同有張紙寫清楚個餵食時間，免得姐姐拎錯日子既母乳。
1個讚
我，一個照顧兩個，三歲同一歲，大嗰個工人半歲開始湊，總之兩個無穿無爛我就收貨…
1個讚
我都係冇穿冇爛就得，會唔太低要求
有，我朋友，但佢要好努力 train 工人
係呀，要求太多太高，工人做唔到，盞谷氣，最緊要係train 到佢有咩都話你知，唔好隱瞞
冇計，我屋企兩公婆都要返工，BB宜家一歲，IN工人時佢話上一份工照顧過BB但雇主移民先出黎。試下試下見佢真識得掃風換片等等就放心d。只可以話如果佢有乜唔識，教佢，但唔好講得太複雜，寫張表比佢CHECK要做D咩。要話比佢知，BB第一，家務第二，同埋陪伴BB時唔好玩電話。
係！家務唔好有要求，最緊要湊到個BB
裝個可以有對話功能既cam，得姐姐同BB時，起碼可以睇住BB，又可以同姐姐簡單溝通
最好同姐姐講：個cam唔係睇你，係睇BB
咁姐姐會感受到你既信任
但最緊要都係睇運，祝你有個好姐姐！
姐姐都係打份工，唔好覺得佢會仆心仆命盡全力幫你做哂所有野，最緊要係比佢知你好緊張bb！
呢個好重要！ 樓主呢個工人係做開唔係新請㗎呵？ 突然加 cam 要解釋吓等佢易接受啲。
做左1年幾架啦, 係因為岩岩生完, 所以要佢幫手湊呀。全屋都要返工, 因為之前佢做家務都唔算係好整潔，所以先付我更擔心。屋企有裝cam, 希望用多10日8日train 下佢，等佢慢慢上手。
我都唔敢要佢做D咩家務啦，BB係1st priority !
我個陪月…請左3個月架! 但係工人都係學得半桶水
我聽過一打三，但個媽咪錫到個工人燶，所以小朋友成功健康長大 
以前有個姐姐超級錫小朋友，試過小朋友曳比我勁鬧、罰企同打手板喊，姐姐匿係房勁喊！
唔知以為佢先係媽咪 
我都有另一個case，我朋友工人因為鍾意貓先揀我朋友，佢有兩隻主子，結果…
兩隻貓under工人肥咗十磅
可能你個陪月親力親為. 我當年個陪月做一次, 工人take notes, 之後陪月只係睇住工人做, 三個月後工人基本上自己攪掂, 除了沖涼每晚我自己做.
咁感性…錫得滯都唔知係咪好事
係呀, 陪月超好, 工人喺煮野食方面, 有學到7成,個味係似既。令到我地每晚食飯冇以前咁慘。
湊BB果度, 我叫工人望實同埋take note ,但我唔知佢係咪太唔上心, 總係有好多甩漏
我而家個姐姐未湊過初生，最初我覺得佢做野唔係特別醒，甚至係蠢（後來發覺原來佢聽唔明）、冇記性、煮野唔好食（甚至唔熟）、亦唔主動，要叫先會做，都考慮過唔用佢。
但衡量過後，都係決定博一博，因為知道姐姐本質唔差，只係蠢d，正可能係蠢所以純。到BB出世，就發覺佢係好鐘意BB，亦願意學，知道自己唔記得，會寫低。佢愈做愈好，女女都快7歲了，無論買餸煮飯（唔可以講話好好食，至少熟）、病左餵藥、帶去興趣班都可以應付到，我都好放心。當然我亦要對準佢既弱項而調節自己既期望，如佢唔主動，就唔好期望有d工作佢會自動波做，要多提點。
總括黎講，如果姐姐本質好，係可以比機會佢，亦當比機會自己。
1個讚