大家好 有無人都有焦慮+恐慌症？
岩岩開始左食藥3星期 想揾同路人圍爐
事源：5月突然C6決定買樓 跟住自己就被減人工 本身兩公婆都唔係大富大貴 買完樓都係得小小錢淨 自己可能擔心得太多 壓力爆煲 6,7月時候第一次恐慌發作。。答車時突然抖唔到氣 手腳麻卑 心跳 頭暈 勁急尿。。從呢日起 就會成日突然咁樣。。 初頭都唔覺自己有問題 以為壓力大姐 諗住靠自己去克服 以為自己過一排就無事。。
之後我每日就會突然覺得好急尿 但明明岩岩先去完 … 係公司 屋企完全無事 可以正常3,4個鐘先去一次 … 但一出街就會去到邊都覺得急 有段時間答唔到巴士 一定要答mtr 方便可以隨時落車去vv 但其實去到只係滴滴仔
慢慢我每日就被急尿困擾 我開始分唔到我因為焦慮而急 定因為驚急而焦慮 … 去到2020年尾 真心唔想新一年都再咁 去左睇精神科 而家食緊藥情況好返好多 不過始終都有d 心慌慌 而且睇醫生經濟負擔都幾大 …真係好希望自己可以快d 好返
你地呢？ 有無人都有經歷可以share下
同事有，同你情況差唔多，佢食左幾個月藥之後好返了，唔洗覆診。
好似睇一次二千，有成個月藥，其實都唔算好貴。
你去睇醫生真係好正確，祝福你快快好返
多謝你 又再比左d 信心我
唔知你多唔多運動? 運動過程會釋放安多酚，可以令心情變好。之前試過工作壓力大，放工返到屋企即刻換衫落街狂跑，跑到累跑到餓沖個涼食飽倒頭大睡!
排埋政府條隊
我由細到大，有緊要野做時都會咁。
平時完全零運動 醫生都有話運動下好 我會試下
我而家就係咁 個人一緊張就黎料
病向淺中醫最緊要肯面對，你地都加油
我可以 5mins 去兩次廁所，去完重係怕要去。
可能一個鐘已經由少少想去變到好想去，唔去唔安樂。
夜晚訓唔著時都有呢個情形，結果更加訓唔著。
所以有重要嘢做時，我個日朝早可能只飲半杯水。
之後都係口渴先飲一啖。
覺得係心理作用多，但又真係有呢個生理反應。
我都係咁呀 !!! 好明白你 完全係心理作用 因為明明去到廁所都無乜野柯 絲打睇怕你平時個人都好焦慮 好易緊張
由中學已經係咁，但又唔會轉牛角尖。
我估等於有d人一緊張便會肚痛。
冇諗過睇醫生，但做大事前會少飲水
咁無緊要野做果陣你有無事？ 我有時好focus 做緊野都唔會發作 幾粒鐘先去一次都得 真係激死自己
平時又冇，唔會影響日常生活。
我無試過恐慌，但上年焦慮得幾嚴重，會朝朝都肚痾，係未食野都痾6-7次果種，好誇張。
有食藥睇醫生，亦有見心理輔導，我覺得自己平時多d 留意自己情緒，同埋做吓靜觀練習都會好d。
樓主加油
你用幾耐好返呀？有一排我都試過朝朝肚柯 之後變左急尿
咁都好d 我嚴重果陣8成時間都係諗緊急尿呢樣野 …
試政府會唔會可以幫輕下?
咁好困擾日常生活，冇緊要嘢時都會咁？
我唔知你是否要去到睇醫生的情況，因為識人緊張時會肚痛，又有人會覺得有病唔舒服。但都未至於影響日常生活同要睇心理醫生。
正常唔會日日有緊要事緊張成咁。
去下離島旅行會唔會好d?
我覺得呢樣野好難斷尾，有時隔一排又會差返，所以除左食藥，宜家我會搵counsellor 傾，同埋keep 住做靜觀練習，再加做運動，都可以改善情緒。