BB依家10周，跟網上方法訓練佢，做好瞓教儀式再放落床講goodnight，然後離開房，再每5、10、15⋯⋯分鐘入房安撫下佢。
第一晚喊左70分鐘，但係半個鐘後再喊，喊到下一餐，於是入房餵，之後順勢都瞓左
第二晚喊左40分鐘，一個鐘後醒，都係喊到下一餐。半夜仲個零鐘就醒一次
之後果日全日好似唔開心咁，又唔同我傾計，喊嘅時候把聲仲變左，好萌咁
第三晚因為擔心佢喉嚨痛，所以暫停，抱佢瞓著再放床
第四晚老公心痛，俾佢休息多日
第五晚BB好似學精左，大聲喊左一陣(無第一、二晚咁大聲)全程細細聲，但係就點都唔停。我覺得佢好似學精左，睇死我會返轉頭抱佢咁
我係應該堅持同佢鬥長氣，定應該過一排等佢忘記咗再重新訓練過？
如果你要跟，就唔好有第3、4晚情況，要堅持到最後。
不過呢個方法我兩個女唔work，所以最後都係放棄。
我從來冇跟足書、網上既方法湊BB，因為個個BB都係特別、獨特
最清楚BB既情況係父母，我覺得根據你地觀察所得，應該會落到決定
唉。。。其實我覺得呢個訓練方法係訓練緊父母，實在太殘忍。聽住佢得咁慘真係心如刀割
其實bb得10周大，仲好需要爸爸媽媽的愛同安全感……
點解要跟呢啲湊仔方法呢，成日都話要訓練bb獨立。每個bb都唔同，BB得果10周大，仲好需要媽咪既安全感,在我黎講，bb想抱就抱，陪訓就陪訓。
咁細過，好影響安全感，真係得不賞失。
10周太細個啦
我自己係5-6M先做呢樣嘢
咁細個既bb原本就係要依賴媽媽既照顧
明白晒。我知應該點做啦
因為原本已經建立左時間表，滿左2個月之後突然開始好扭，個人開始攰，又就來放完產假，所以有d壓力大。果幾日情緒都唔係咁好，所以亂足網上方法
我有兩個女，一個feed in demand 一個feed in schedule，一個肯要安撫物食奶咀唔鐘意俾人抱，一個咩都唔要淨係要抱瞓。個個bb 都唔同，努力搵一個大家都舒服嘅方法，加油
10wk太細，太早訓練獨立啦，對bb好殘忍
我要小朋友獨立訓，都會係bb床邊拍下佢tum
下佢，到佢訓左先離開，佢地會訓得安心d
喊即係有需求未滿足到
要佢喊到絕望唔再喊
對bb都唔好啦
我從來唔會由得我b喊
如果個個B都跟足書就好湊喇，只不過你跟足書，BB有無跟足先?
同埋一開始都唔覺得點解要訓練BB自己訓??? 其實BB可以自己一個訓著覺有無用??
如果話唔想大人嘥時間既，最簡單係set好啲個時間表，BB累到痴線唔駛5分鐘訓左，一係就大人都早啲訓，有段時間八點幾就訓…
我仔細個果陣、冇理其他人講、真係喊就抱。
由細到大佢少扭計、同好少發脾氣、唯一唔好係痴身啲…不過我都享受佢嘅痴身嘅。
10w 太細啦！起碼都四五個月。以前讀書學過 BB 認知，有樣野叫 object permanence，即係「就算離開左視線，我都知道佢存在」，一般小朋友都係 5-9 月就拿捏到呢個概念，咁樣先可以訓練到唔洗抱訓，因為認知「我知媽媽係邊，就算我望唔到佢」。10w 3 個月都未夠，佢認知仍細。