因為本身養咗兩隻大狗
本地完約完全無人願做
睇咗幾個海外無經驗，感覺又麻麻地
唯獨呢個經驗姐姐對答最自然流暢
答問題又make sense
好多人話第一次請工人唔好請有經驗
會handle唔到
利申：
無問佢reference check
成日覺得reference check完都係agent 自己分身
你自己handle到咪得囉！
不過一般都係怕「我以前唔洗咁咁咁，我以前又點點點」搵舊僱主做藉口、承機做少啲野既呢啲工人，但你係第一次，有可能有地方唔清楚就會比佢呃左！仲怕有壞「手勢」但又唔肯學新野，「精甩尾」練精學懶，old seafood。
所以我寧願請乜都唔識，重新教！
不過每人接受點唔同！
請工人都係講手神，睇吓好唔好彩遇到個有責任心嘅姐姐
我屋企都左1隻大狗，好多貓
上一個工人完約，就請左個短約頂住先
呢個短約姐姐驚狗，但係就好有責任心
諗住都係頂一排就叫姐姐唔洗照顧狗仔，淨係做家務
點知個姐姐做左1個星期就同狗仔friend左，佢同agent講話鍾意我哋屋企，想繼續向度做
而家好哋哋做左3年啦
10個讚
我覺得有經驗姐姐最大問題係會揀工
我自己同身邊人Case, 完得約嘅都冇咩大問題。
簽約前講清楚屋企有咩人、要做啲乜嘢、幾時放假、人工…
反而喺朋友口中聽過、請姐姐時話一家三口（已經讀幼稚園）、點知姐姐嚟到先知個Mun原來啱啱有咗、臨生果陣又有長老搬左嚟住…咁個姐姐喺new bron出世之後就愈做愈差。
有大狗可能真係請有經驗會好啲，請工人全部都係講運，冇得驚，冇得預。
有冇問點解返鄉下?
今次諗住做幾耐?
八年如果冇每個約轉僱主應該都係正常人
可以試下嘅
如果可以搵舊僱主傾嘅why not?
唔一定假
因為我作為舊僱主都俾過reference
我同姐姐interview時佢話會嘗試聯絡個前僱主
同一日個agent狂搶我決定
所以未等到reference check就話咗好
反正我本身都覺得會係agent分身
宜家未簽約
但姐姐聽日就動身去馬尼拉report duty
姐姐話完咗約想返屋企陪下宜家9歲阿女
佢係2019返鄉下
1個讚
我請過五個，但一個全新未做過，其他全部有在港經驗，我覺得溝通比任何事都重要。我d工人除咗一個我唔再續都做咗5年，其他嗰d全部六至八年不等。我會講明要求，唔啱我會再提，但我從來唔會數佢，黑面，只會對事不對人。我亦叫佢提供解決方法。
有d人會覺得我好放心比佢照顧兩個小朋友，會帶去主題公園，去沙灘，我有事weekend飛咗，佢會在放假日帶佢地睇紅葉。你比得佢做你就要信佢。上年這工人已回鄉生仔，但隔幾星期都搵下我d小朋友，facetime傾成個鐘，我感恩遇到佢。
4個讚
講得好岩，真係睇運架渣
我都第一次請，又有new born又有貓又有老人家咁
工人願意黎加上對小朋友好盡責咁，我好滿意
有時真係朋感覺，祝樓主好運
姐姐聲稱佢八年都同一僱主
我宜家都問佢拎reference check
如果佢地關係好應該唔難叫前僱主同我傾兩句
但佢仲未覆
唔知會唔會伏
1個讚
個外傭夾到上手 都 唔一定夾到你，如果上手真係請足佢8年，應該無大問題。