依家d新樓廚房愈起愈細，有無邊個半新屋苑廚房擺得落洗衣機咁大部的洗碗機？大部的洗碗機真係好正，煲同煎pan都放到入去
呢排肺炎，發現對煮野食都幾有興趣，但就好憎洗碗，每日要用個幾兩個鐘洗碗真係好花時間
適逢樓價有些少跌，有無一千萬樓下的屋苑廚房夠大？或者一千萬多dd,望佢跌
咩區先？
我住緊5百幾呎單位，將洗衣機放左係廁所，咁就有位擺洗碗碟機～
市區有無可能？紅色線呀，九龍，或者大圍個d比較近的新界區，但依家大圍都好貴了
我都係住咁上下大細，但我廁所太細，擺唔落洗衣機，而且大部分牆身係主力牆，唔拆得，拆得的牆身又唔關廁所/廚房事，變大唔到
留意下大P, 雖然座枱, 但入到煲同PAN架
唔好意思，洗碗用個幾兩個鐘實在太耐。首先想辦法減少用廚具，仲有善用時間，可以煮緊嘢食期間立即洗用過嘅碗，以免堆積做成壓力。我有啲嘢唔會用洗潔清，例如只放過鹽、糖、麵粉生粉、薑蒜等等，無油無跡嘅可以沖沖水就可以。其他嘢例如廚具餐具，先用洗潔精的水浸十分鐘，之後就用碗布擦同過水。如果暫時未買到洗碗機，不如快手啲洗嘢。
1個讚
依家個廚房好迷你，座枱式都擺唔落，要擺就要換樓，反正都係換樓就想睇下有無夠大直接擺座地式的。但謝謝你提議呀，我可以介紹比朋友
由計劃煮咩餸開始已經由用最少量廚具出發了，但有時想煮特別少少的菜色，特別依家肺炎無得出街食。
我廚房太細了，煮緊飯時，要用埋昇盤位置，無空間一路煮一路洗。
其實個廚房細到煮個麵就輕鬆，煮三個餸已經要用腦玩puzzle game咁先攪得掂，長遠都係要換樓的了。
而且我太難的起心肝洗，平時係浸水積到第二日煮飯前焗住洗，唔係根本無位煮飯
原來係咁 
我剛裝修， 將個廁所唔要浴缸轉企缸， 洗衣機放咗入廁所。
原本廚房個洗衣機去水位就放洗碗機。
深井
遲d諗住搬過去
幾好wor,其實都好少用浴缸。依家好多時兩個廁所都係浴缸，但我覺得一個浴缸一個企缸好用d。
深井海景好靚！望汀九