我同我老公本身諗住下個月開始努力備孕，但因為我老公係英國公民第二代，我地個小朋友要係英國出世先可以即刻有居留權，如果唔係要去英國住5年移民監先有。但而家疫情嚴重，我地驚如果我地好好彩好快有小朋友，但當要去英國生時會有風險，甚至乎如果封關咁就冇得去英國。所以我老公提議遲啲先開始備孕，但我今年過埋生日就33歲，而且有bb未必係容易嘅事，所以而家都唔知幾時開始備孕好 
如果你哋係我會點呢？
如果去唔到英國生，點都唔生住
有仔乘嫩生。
5個讚
由而家開始唔好設防
聽天由命
反正想生又唔一定即刻有
到你生得疫情又唔一定好嚴重
唉 經過2020年 我覺得冇嘢係可以跟住個plan行
咁不如順其自然啦
15個讚
生Bb未必可能想要就有，我會順其自然。
就算香港出世第日要拎BC都拎到。反而你唔係BC，真係响英國生？
2個讚
如果你依家25歲我會叫你去英國生
但你依家生得黎都高齡
再過多五年
依家要雪定卵子啦⋯⋯
去到英國最快38歲第一胎
你講真？
依家食定folic acid差不多啦，要食3個月呀
跟住兩公婆都要做下簡單檢查
唔係呀，樓主老公有BC，佢話只要b喺英國出世就有，唔係五年
係佢如果喺香港生，b 要喺英國住五年先有BC
係wow係wow
但樓主用單飛身分去英國生，費用應該唔少
反而我覺得BB細個係英國享受唔到咩福利，所以5歲前無BC都問題不大
到真係要返小學前有BC就好d
同埋係英國生有無人可以幫下手？
坐月、湊NB可以好大挑戰
要視乎樓主本身係咪諗住走，我就估樓主本身都有移民計劃，咁當然過英國先生
我覺得個政局已經去到就算有BC都唔好咁老定
我比較悲觀
2個讚
走到英國應該無得走數既。。。
生應該無得遲啦，過35歲體能差好多ga la
香港生，到疫情變好即飛，就算5＋1到時入小學都平
你老公bc既好處就當有個local唔係由0 set up lor, 都好過好多人啦
1個讚
我當然唔擔心英國走數
我係指走唔到，封關，有BC 都搞你
我自己係bc二代，本身都打算去英國生架。但而家個邊疫情真係唔太受控，最後都決左留港，打算最差都係小朋友升中同佢一齊飛過去，小朋友3年就可以入籍啦。我個人就覺得唔好等，我都試左接近一年，有時真係計唔到咁多呀。
1個讚
有仔趁嫩生, 呢句嘢係老土但係事實o黎.
同埋生b ge嘢, 唔係話生就一定好快中ga…好多人都要試咗一段時間先得. 如果樓主想生但又想去英國先出世又冇話有確實行動計劃, 雪卵都係一個好選擇. 年輕時ge卵子質素又好d, 抽多幾粒靚卵的機會又大d.
2個讚
講得岩呀
諗咁多既 其實好多野我地都控制唔到
2個讚
喺英國生，個b即刻有BC. 喺香港生完，要你老公申請埋你同阿b, subject to 你老公收入要夠，你要5年，阿b要3年先有BC，如果你哋冇諗住真係移民英國，個分別都好大
當然，33都唔後生，呢個都好重要…
不設防，順其自然先吧，香港人壓力大，有時可能要耐D先有到
可以香港雪胚胎, 即係已做埋精卵結合個part,
日後去到英國想生個陣. 直接送去英國做放胎, 搞惦~
1個讚