Agree，所謂英中只係因為大部分英中都係比較好嘅。
呢個Concept就好似大部分全港前100嘅學校都係基督教/天主教咁樣，都係perception…
至於所謂頭3志願，更加係無意義嘅…
超級有用資料，感謝
首三志願都係班主任叫點擺,有時太保守未必係父母想要的。
父母堅持的話，班主任其實係冇任何權利幫你改。
自己升中嗰陣，朋友乙部只擺一間學校，我擺曬全部 Band 1 在前，結果大家入讀同一間，打和。 
上年識人灣仔升中，明明係 Band 1 又明明區內咁多 Band 1，學校都係叫佢頭兩個 Band 1，但乙三一定要 Band 2，我列出數據證明根本唔需要咁快寫 Band 2 更何況佢入到間 Band 2 都唔會讀，咁做咩唔搏。佢結果冇聽班主任亂講，最後咪入左 Band 1 收隊。
今年仲搞笑吖，有人荃灣 Band 2-3 乙五入左何傳耀，即係代表有 Band 1 提早填曬 Band 2，冇盡填囉！如果呢啲不幸入 Band 2 家長睇到呢個例子的話，實激到上心口，鬧班主任同學校做乜鬼老點佢。
Agree, 回想三年前我升中，我頭三選九真、培道同埋黃笏南，呢三間都算ok,之後就選咗好多band 3嘅學校（like 蔡馬會官立中學同埋佘近卿)，但係幸好入咗頭三志願
其實要呢啲排名有咩用,孩子能學習到,邊一間都一樣可以成材. 唔好成日比名校光環蒙蔽眼睛~~~
一半認同一半唔認同。
的確個排名係冇乜用，因為排唔到。即係你問我 瑪利諾 定 Paul Con 排名高啲，伊中定荃官好啲，相信好多人都答唔出，大家都一樣好。Band 1 同 2 頭仲可以排下，Band 2 中開始就排唔到，一啲數據都冇，得個信字。
但唔係邊間都可以成才，有啲學校看似正常，但讀落就知唔正常，啲老師流失率高，做得辛苦又唔開心拖累教學。傳統名校同直資就本身多家庭係靠補習靠自己讀書，即係好似協恩德望呢啲年年老師大不同，都唔太影響班女讀書，佢哋本身都好多人去補習。地區名校嘅家庭相對供給同資源冇咁好，好多學生倚重老師去攞成績，如果學校留唔住好老師，咁會好影響呢批學生。
另外名校個光環係包括埋英語學習。傳統名校英文特別多人攞 5 或以上，而且問啲高中或者畢左業嘅話，好多都唔知英文堂學左乜，而且係唔會為 DSE 英文而去操卷。地區名校學生擺係讀英文同操英文卷嘅時間同心機多得多。
學校正常與否,家長於名校光環心態,覺得最大原因教育制度是一個大問題,看似完善但問題多多,老師多做好多額外事情,也是做成老師流失,從幼稚園到中學,更因此制度令家長孩子勞累,孩子不能正正常常享受正確嘅教育.
提及的英文,大部份人都知道現今大學生英文比以前差好多,怪不得你提及高中畢咗業那些學生,講好多都唔知英文學乜,直覺更突顯出好像都係為咗"分數入大學"為主要目的.
唔認同現今大學生英文比以前差好多，以前冇咁多大學學額，所以入到嘅當然英文叻。我會形容個情況係：以前唔識英文嘅人多，但識英文嘅都係尖子，依家識英文嘅人多左，所以看似水平拉低左。
你問啲 DG 女、GH 女，佢哋都答你唔到你上堂學乜，因為冇人英文堂會聽書，大家都係英文堂玩，邊會好似地區學校咁堂堂操卷。莫非你又話佢哋英文差？
可能聽得太多現今大學生講嘅英文,太多都有助語詞,唔係好流暢. 其實幼稚園以至小學,我係十分支持玩耍中學習,當然中學可能會比較嚴謹啲,不能太放鬆玩去學.
，我哋稱英文堂同Science堂叫瞓覺堂，全級英文同中文平均分五十幾分，但係其實我覺得我哋真係好開心（本人為band1C-2A學校嘅學生)。
你揀果3間邊有Band 2A … 太謙虛啦…