比較過3間九龍區私院, 諗住係法國生經濟啲, 大家有冇好啲駐院/掛牌醫生介紹? 最好係鼓勵順產嘅.
我睇游洋醫生
陳麗燕
呢嗰名好小聽到喎。可唔可以講下點解你覺得佢好，同埋佢多唔多嘢講，我鐘意多嘢講醫生。
佢唔多嘢講，不過佢所有嘢交代得好清楚！佢比較支持人順產，以前我話要開到佢都同我講你咁後生可以試吓順產，會叫你考慮清楚先至去落訂，佢 完全都唔急你落吾落訂，同埋佢一定會提醒人，幾多週前作動，就唔好去私家，如果去私家揀咩時間醫院收錢最合理，佢會叫你咩時間最好 唔好揀，會貴好多！其實我第一胎係搵佢，不過都已經成五年前！
另外再分享吓我條刀疤而家已經係得返一條好細嘅白色線！咁由於我係夜晚開刀，所以第二日我都冇落過床，但係第三日我已經可以行得好好，第四日出院！
不過大大話話都已經五年前！所以我而家都喺度留意緊，佢而家嘅評價！因為始終近呢幾年我都好少聽人講換佢接生！
游洋
我睇游洋醫生
游洋醫生，我揀開刀，手勢好好，無乜唔舒服。
羅宇帆(掛牌)，非常鼓勵順產。
我星期日凌晨見紅入院，因第一胎子宮開得慢，入院後16個鐘到星期日黃昏先成功生到，但佢都肯等我，冇勸我開刀。(隔離床好多痛5~6個鐘，子宮未開，啲駐院醫生已經叫佢地轉開刀)
最緊要係羅醫生劃一收費，公眾假期生冇加我錢，仲講明就算最後食全餐，要緊急開刀都唔洗加錢，一定唔會over budget。
我有朋友喺法國順產失敗，要緊急開刀，另一個醫生收多佢30%醫生費，公眾假期生又要加10%，樓主你搵醫生嗰陣，記住問清楚。
1個讚
劃一收費真係好重要喎，多謝你提醒
所以陳醫生本身叫你順產但最後都係要開刀？
係我堅持開刀 
我睇尤達雅，3年前生，住3人房，4萬幾落樓。佢可以順產同開刀，但我㨂咗開刀，手勢都幾好
我生咗2胎都係搵陳麗燕產檢同接生(2胎都係落催生藥順產). 佢好’chur’吓, 我生第二胎嗰陣可能陳麗燕想早啲過嚟法國接完生就返佢旺角診所做嘢, 覺得佢好似想夾啱時間嚟就佢咁(有經驗嘅醫生就算唔開刀, 都可以靠催生藥劑量控制當日幾點生), 喺落完第一次催生藥時, 我聞住笑氣迷迷糊糊聽到姑娘話"燕姐"叫佢地加碼落藥, 佢大概1個鐘頭後到, 但嗰時我已經有6-7級痛, 而姑娘 check 過我宮頸都開得好正常, 啲姑娘就冇聽指示加碼, 而我都好順利痛咗2個零鐘就生咗細女. 其實如果你係"大條神經"嘅媽媽想快手快腳快刀斬亂麻式生BB, 咁陳麗燕係 OK 嘅. 不過如果心靈比較敏感弱小嘅話陳麗燕就未必適合你. 同埋產後檢查佢好粗魯, 傷口勁痛.
多謝你嘅分享呀, 我個人本身好細膽, 佢咁樣講實嚇死我